ദൈവം മനുഷ്യന്റെ രൂപത്തില് വന്നതു പോലെയാണ് അല്ഫോണ്സ് പുത്രന് തന്നെ സിനിമയിലേക്ക് തിരഞ്ഞെടുത്തതെന്ന് നടി അനുപമ പരമേശ്വരന്. അല്ഫോണ്സ് പുത്രന് ചിത്രം ‘പ്രേമ’ത്തിലൂടെയാണ് അനുപമ സിനിമാരംഗത്തേക്ക് എത്തുന്നത്. തുടര്ന്ന് തെന്നിന്ത്യയില് നടി സജീവമാവുകയായിരുന്നു. പുതിയ ചിത്രത്തിന്റെ പ്രമോഷനിടെയാണ് നടി അല്ഫോണ്സിനെ കുറിച്ച് സംസാരിച്ചത്.
”ഞാനൊരു ഗംഭീര നടിയായത് കൊണ്ടോ സുന്ദരിയായത് കൊണ്ടോ ഒന്നുമല്ല ഞാനിവിടെ ഇരിക്കുന്നത്. അത് എന്റെ വിധിയായതുകൊണ്ടോ, മിറാക്കിള് പോലെ വന്നു ചേര്ന്നതോ കൊണ്ടോ ആണ്. ഈ സിനിമയിലൊരു ഡയലോഗുണ്ട്, ദൈവം മനുഷ്യരൂപേണ എന്ന്. അല്ഫോന്സ് ചേട്ടന് എന്നെ തിരഞ്ഞെടുത്ത് എന്റെ എന്തോ തലവരയാണ്.”
”അങ്ങനെ നടന്നു എന്നുമാത്രം. പിന്നെ ഓരോ ചിത്രങ്ങളിലേക്ക് ആളുകള് വിളിക്കുന്നതും ഭാഗ്യത്തിന്റെ ഭാഗമായാണ്. ഞാന് അഭിനയിച്ചു തകര്ത്തു എന്നൊന്നും പറയാനില്ല. ആളുകള്ക്ക് എന്നെ റിലേറ്റ് ചെയ്യാന് പറ്റിയെന്നാണ്. ഏതോ ഭാഗ്യത്തിന്റെ ഭാഗമായിട്ട് ഞാന് ഇങ്ങനെ പോവുന്നു എന്ന് മാത്രം.”
”എനിക്ക് ചെയ്യാവുന്നതിന്റെ 50 ശതമാനം പോലും ഞാന് കൊടുത്തിട്ടുണ്ടെന്ന് എനിക്ക് തോന്നുന്നില്ല. എന്നെ ചലഞ്ച് ചെയ്യുന്ന ചിത്രങ്ങള് ഇനിയും വരണം” എന്നാണ് അനുപമ പറയുന്നത്. അതേസമയം, അനുപമയുടെ ‘ലോക്ഡൗണ്’ എന്ന തമിഴ് ചിത്രമാണ് ഇനി റിലീസിനൊരുങ്ങുന്നത്.
ലൈക പ്രൊഡക്ഷന്സിന്റെ ബാനറില് സുബാസ്കരന് നിര്മ്മിക്കുന്ന ചിത്രം എആര് ജീവ ആണ് സംവിധാനം ചെയ്യുന്നത്. അനുപമയ്ക്കൊപ്പം ചാര്ലി, നിരോഷ, പ്രിയ വെങ്കട്, ലിവിംഗസ്റ്റണ്, ഇന്ദുമതി, രാജ്കുമാര്, ഷാംജി തുടങ്ങി നിരവധി താരങ്ങള് ചിത്രത്തില് വേഷമിടുന്നുണ്ട്.