കാവ്യ മാധവനുമായി തന്നെ താരതമ്യം ചെയ്യുന്നത് കേള്‍ക്കുമ്പോള്‍ എന്തോ പോലെ തോന്നാറുണ്ടെന്ന് നടി അനു സിത്താര. തനിക്ക് കാവ്യയുടെ അതേ സൗന്ദര്യം ഉണ്ടെന്ന് ഒക്കെ പലരും അഭിപ്രായപ്പെടാറുണ്ട്. എന്നാല്‍ അങ്ങനെ പറയുന്നത് താന്‍ അര്‍ഹിക്കുന്നില്ല എന്നാണ് അനു സിത്താര പറയുന്നത്.
പലരും പറയും താന്‍ കാവ്യ ചേച്ചിയെ പോലെ ആണെന്ന്. എന്നാല്‍ തനിക്ക് അത് കേള്‍ക്കുമ്പോള്‍ എന്തോ പോലെ തോന്നും. കാവ്യ ചേച്ചി തന്നേക്കാള്‍ ഒരുപാട് സുന്ദരിയാണ്. ഏത് കോണില്‍ നിന്ന് നോക്കിയാലും സുന്ദരിയായിട്ടുള്ള നടി.
മാത്രമല്ല, ചെയ്തിരിക്കുന്ന വേഷങ്ങള്‍ ആയാലും ആര്‍ക്കും പകരം വയ്ക്കാന്‍ ഇല്ലാത്തതാണ്. കാവ്യ ചേച്ചിയുടെ ഏഴയലത്ത് വരില്ല താന്‍. എനിക്ക് അത്രയും സൗന്ദര്യമില്ല എന്ന് നന്നായിട്ട് അറിയാം. പിന്നെ കാവ്യ ചേച്ചി ചെയ്തത് പോലുള്ള വേഷങ്ങള്‍, നാട്ടിന്‍പുറത്തുകാരി ഇമേജുള്ള റോളുകള്‍ തനിക്ക് കിട്ടുന്നുണ്ട്.
ഒരുപക്ഷെ അതുകൊണ്ടാവാം ആളുകള്‍ തന്നെ കാവ്യ ചേച്ചിയുമായി താരതമ്യം ചെയ്യുന്നത്. തന്നോട് ഉള്ള ഇഷ്ടം കൊണ്ടോ, കാവ്യ ചേച്ചിയോടുള്ള ഇഷ്ട കൂടുതല്‍ ഉള്ളത് കൊണ്ടോ ആളുകള്‍ക്ക് തോന്നുന്നതാണ് അത്. പിന്നെ ചേച്ചി കാസര്‍കോടുകാരിയും താന്‍ വായനാടുകാരിയും ആണല്ലോ.
തങ്ങള്‍ മലബാറുകാരായത് കൊണ്ടുള്ള സാമ്യവും ഉണ്ടാവാം. അല്ലാതെ കാവ്യ ചേച്ചിയുടെ സൗന്ദര്യം തനിക്കില്ല എന്നാണ് അനു സിത്താര ഒരു അഭിമുഖത്തില്‍ പറയുന്നത്. അതേസമയം, ‘മോമോ ഇന്‍ ദുബായ്’ എന്ന ചിത്രമാണ് താരത്തിന്റെതായി റിലീസിന് ഒരുങ്ങുന്നത്.