ഒ.എന്.വി കള്ച്ചറല് അക്കാദമി ഏര്പ്പെടുത്തിയ സാഹിത്യ പുരസ്കാരം തമിഴ് കവി വൈരമുത്തുവിന് നല്കാനുള്ള തീരുമാനത്തിനെതിരെ വലിയ പ്രതിഷേധമാണ് ഉയരുന്നത് .
നിരവധി മീടു ആരോപണങ്ങള് ഉയര്ന്ന ഇദ്ദേഹത്തിനെ പുരസ്കാരങ്ങള്ക്കായി പരിഗണിക്കുന്ന നടപടിക്കെതിരെയാണ് പ്രതിഷേധം ഉയര്ന്നത്.
ഈ വിഷയത്തിൽ പ്രതികരിച്ചിരിക്കുകയാണ് സംവിധായകനും ഒ.എന്.വി കള്ച്ചറല് അക്കാദമിയുടെ ചെയര്മാനുമായ അടൂര് ഗോപാലകൃഷ്ണന്. വൈരമുത്തുവിനെ അവാര്ഡിന് പരിഗണിച്ചതില് തെറ്റില്ലെന്നാണ് അദ്ദേഹത്തിന്റെപ്രതികരണം.
ഒരാളുടെ സ്വഭാവഗുണം പരിശോധിച്ചിട്ട് കൊടുക്കാവുന്ന അവാര്ഡല്ല ഒ.എന്.വി സാഹിത്യ പുരസ്കാരമെന്നാണ് ദി ക്യൂവിനോട് അടൂര് ഗോപാലകൃഷ്ണന് പ്രതികരിച്ചത്. എഴുത്തിന്റെ മികവ് പരിഗണിച്ചാണ് അവാര്ഡ് നല്കുന്നതെന്നും അല്ലെങ്കില് പിന്നെ സ്വഭാവഗുണത്തിന് പ്രത്യേക അവാര്ഡ് കൊടുക്കണമെന്നും അടൂര് പറഞ്ഞു.