രണ്ടു പതിറ്റാണ്ടോളമായി കോമഡി സ്കിറ്റുകളിലൂടെയും ടെലിവിഷന് പരിപാടികളിലൂടെയും സിനിമകളിലൂടെയും മലയാളികള്ക്ക് മുന്നില് നിറഞ്ഞു നിന്ന സുബി സുരേഷ് വിട പറഞ്ഞിരിക്കുകയാണ്. കരള് രോഗത്തെ തുടര്ന്ന് ഇന്ന് രാവിലെ ആയിരുന്നു താരത്തിന്റെ അന്ത്യം.
സുബിയുടെ മരണത്തില് അനുശോചിച്ച് എത്തിയിരിക്കുകയാണ് നടി സുരഭി ലക്ഷ്മി. വേണ്ടപ്പെട്ടവര് നഷ്ടപ്പെടുമ്പോഴുണ്ടാകുന്ന വേദനയാണ് സുബി സുരേഷിന്റെ വേര്പാട് തന്നിലുണ്ടാക്കുന്നതെന്ന് സുരഭി ലക്ഷ്മി സോഷ്യല് മീഡിയയില് കുറിച്ചു.
സുരഭി ലക്ഷ്മിയുടെ കുറിപ്പ്:
ചേച്ചി വിളിക്കുമ്പോ നമ്മള് ഏത് മൂഡിലാണെങ്കിലും ഫോണ് വയ്ക്കുമ്പോള് നമ്മള് ചിരിച്ച് മറിയും… ‘ഇല്ലത്തെന്തുണ്ട് സുഭദ്രേ വിശേഷം?’ എന്ന് ചോദിച്ചാണ് വിളിക്കുക. പിന്നെ ഇല്ലത്തെ സംസാരമൊക്കെ കഴിഞ്ഞാണ് പറഞ്ഞു പിരിയുക. കഴിഞ്ഞ മാസം വിളിക്കുമ്പോഴും രോഗത്തിന്റെ കാര്യം പറയുകയോ ഒന്നും ചെയ്തില്ല.
എനിക്ക് ദേശീയ അവാര്ഡ് കിട്ടിയപ്പോള് ‘നമ്മള് കോമഡി ചെയ്യുന്നവര്ക്ക്, പ്രത്യേകിച്ച് സ്ത്രീകള്ക്ക്, നിനക്ക് കിട്ടിയ അവാര്ഡ് നമ്മള്ക്ക് എല്ലാവര്ക്കും കിട്ടിയത് പോലെയാണ്’ എന്ന് പറഞ്ഞു വിളിച്ചത് ഇപ്പോഴും ഓര്ക്കുന്നു.. പ്രിയപ്പെട്ട എന്റെ ചേച്ചിക്ക് ആദരാഞ്ജലികള്.