മിനിസ്ക്രീനില് തിളങ്ങുമ്പോഴും നടി രേഖയുടെ വ്യക്തി ജീവിതം എന്നും ചര്ച്ചയാവാറുണ്ട്. നിരന്തരം ഗോസിപ്പുകള് താരത്തെ പിന്തുടരാറുണ്ട്. കഥയല്ലിത് ജീവിതം എന്ന ഷോയില് രേഖ തന്റെ ഭര്ത്താവിനെ തന്നില് നിന്നകറ്റിയെന്ന് ഒരു യുവതി പരസ്യമായി ആരോപിച്ചിരുന്നു. രേഖ അടക്കം പങ്കെടുത്ത ഷോയില് ആയിരുന്നു ഈ സംഭവം.
രണ്ട് പേരും തമ്മില് വാഗ്വാദവും നടന്നു. ഈ സംഭവം ടെലികാസ്റ്റ് ചെയ്തതോടെ രേഖയ്ക്കെതിരെ വ്യാപക വിമര്ശനവും വന്നിരുന്നു. ഈ വിമര്ശനങ്ങള് അന്ന് രേഖയെ ഏറെ ബാധിച്ചിരുന്നു. ഈ സംഭവുമായി ബന്ധപ്പെട്ട കമന്റിന് രേഖ നല്കിയ മറുപടിയാണ് ഇപ്പോള് ശ്രദ്ധ നേടിക്കൊണ്ടിരിക്കുന്നത്.
”പണ്ടൊരിക്കല് അമൃത ചാനലിലെ പ്രോഗ്രാം കണ്ടപ്പോള് ചേച്ചിയോട് വെറുപ്പും ദേഷ്യവുമായിരുന്നു. ഇനി കാലം ആ ദേഷ്യം ഇല്ലാതാക്കിയതാണോ തനിയെ ഇല്ലാതായതാണോ നിങ്ങളുടെ നിഷ്കളങ്കത കണ്ട് നിങ്ങളെ ഇഷ്ടപ്പെട്ടതാണോയെന്ന് അറിയില്ല, ഇപ്പോഴും എനിക്ക് നിങ്ങളുടെ ആറ്റിറ്റിയൂഡും അഭിനയവും ഇഷ്ടമാണ്. മോന് സുഖമായിരിക്കുന്നെന്ന് കരുതുന്നു” എന്നാണ് കമന്റ്.
താരത്തിന്റെ ഇന്സ്റ്റഗ്രാം പോസ്റ്റിന് താഴെയാണ് കമന്റ് എത്തിയത്. ”ദൈവത്തിന് മാത്രമേ സത്യം എന്താണെന്ന് അറിയൂ. അതങ്ങനെ ഇരിക്കട്ടെ. ദൈവത്തെ മാത്രം എനിക്ക് ബോധിപ്പിച്ചാല് മതി. പിന്നെ വെറുത്തതിനും ഇപ്പോള് സ്നേഹിക്കുന്നതിനും നന്ദി. കാലം എല്ലാം ഒരു ദിവസം തെളിയിക്കും. അപ്പോള് ചിലപ്പോള് ഞാനുണ്ടാവണമെന്നില്ല. പക്ഷെ എന്റെ മോന് സത്യങ്ങള് അറിയാം. അത് മതി” എന്നാണ് രേഖയുടെ മറുപടി.
‘പരസ്പരം’ എന്ന സീരിയലിലെ പത്മാവതി എന്ന കഥാപാത്രത്തിലൂടെയാണ് രേഖ ഏറെ ശ്രദ്ധ നേടുന്നത്. ‘സസ്നേഹം’ എന്ന സീരിയലിലാണ് താരം ഇപ്പോള് അഭിനയിച്ചു കൊണ്ടിരിക്കുന്നത്. ഭാവന എന്നൊരു സീരിയലിലും താരം അഭിനയിക്കുന്നുണ്ട്. ‘പല്ലാവൂര് ദേവനാരായണന്’, ‘മാമ്പഴക്കാലം’, ‘ശുഭരാത്രി’ എന്നീ സിനിമകളിലും താരം വേഷമിട്ടിട്ടുണ്ട്.