മലയാളികൾക്ക് പ്രിയങ്കരിയായ ഗായികയാണ് അഭയ ഹിരൺമയി. ഗോപി സംഗീത സംവിധായകൻ ഗോപി സുന്ദറുമായുള്ള വേർപിരിയലിന് ശേഷം സൈബർ സ്പേസിൽ ആ ബന്ധത്തിന്റെ പേരിൽ പലതവണ അഭയ ബുള്ളിയിങ്ങ് നേരിട്ടിട്ടുണ്ട്.
ഇപ്പോഴിതാ ഗോപി സുന്ദറുമായുള്ള ബന്ധത്തെ കുറിച്ച് സംസാരിക്കുകയാണ് അഭയ ഹിരൺമയി. രണ്ടുപേർ തമ്മിലുള്ള പഴയ കാര്യങ്ങൾ കുത്തിപ്പൊക്കാതെയിരുന്നാൽ നിങ്ങള്ക്ക് സാമ്പത്തികമായിട്ടും മാനസികമായിട്ടും സന്തോഷം ഉയര്ന്നു കൊണ്ടിരിക്കും എന്നാണ് അഭയ ഹിരൺമയി പറയുന്നത്.
“വയനാട് എന്റെ സുഹൃത്തിന്റെ റിസോര്ട്ടില് പോയിരുന്നു. അവിടെ എന്റെ സുഹൃത്തുക്കളുടെ കൂടെയിരിക്കുമ്പോള് നല്ല ലൈറ്റ് കണ്ടപ്പോള് എനിക്ക് തോന്നിയത് ലാത്തിരി പൂത്തിരി കത്തിക്കാനാണ്. ആ പാട്ട് പാടാനാണ്. പക്ഷെ അത് കണക്ട് ചെയ്തത് വേറെ തരത്തിലേക്കാണ്. ഇങ്ങനൊരു ബ്രേക്കപ്പ് ഉണ്ടായാല് എതിരെ നില്ക്കുന്ന ആളെക്കുറിച്ച് നെഗറ്റീവ് പറയണം എന്ന് പറയുന്നതില് എന്ത് യുക്തിയാണുള്ളത്. അങ്ങനെ പറയാന് പറ്റില്ല എനിക്ക്.
രണ്ട് പേര് ഒരുമിച്ച് ജീവിച്ചു. അവര് പിരിഞ്ഞു. ഇരുവരും അവരവരുടേതായ രീതിയില് ജീവിക്കുന്നു. അവര് ഇരുവരും തിരക്കിലാണ്. ഇതേക്കുറിച്ച് ചിന്തിക്കാന് പോലും സമയില്ല. എന്നാല് അപ്പോഴും പഴയത് കുത്തിപ്പൊക്കി കൊണ്ടു വരുമ്പോള് അവിടെ പ്രശ്നമുള്ളത് ചുറ്റും നില്ക്കുന്ന ആള്ക്കാര്ക്കാണ്. അവരാണ് ഫ്രസ്റ്റ്രേറ്റഡ് ആകുന്നത്. നിങ്ങള് അങ്ങനെയാകാതെ സ്വന്തം ജോലിയും സ്വന്തം കാര്യവും നോക്കുകയാണെങ്കില് നിങ്ങള്ക്ക് സാമ്പത്തികമായിട്ടും മാനസികമായിട്ടും സന്തോഷം ഉയര്ന്നു കൊണ്ടിരിക്കും
എനിക്കതില് പ്രശ്നങ്ങളുണ്ട്. പക്ഷെ അത് എന്റെ വ്യക്തിപരമായ പ്രശ്നങ്ങളാണ്. അത് നാട്ടുകാരോട് ഞാന് വിശദമാക്കണം എന്ന് പറയുന്നത് സാധ്യമായ കാര്യമല്ല. അത് ശരിയല്ല. അദ്ദേഹത്തിന്റെ അദ്ദേഹത്തിന്റേതായ പ്രശ്നങ്ങള് കാണും. പരസ്പരം ബഹുമാനിച്ച് പോകുന്നതില് ഭയങ്കരമായ കഠിനാധ്വാനമുണ്ട്. അത് തീരുമാനിച്ച് കൊണ്ട് പോകുന്നതാണ്. അതങ്ങനെ വേണം എന്നാണ് വിചാരിക്കുന്നത്. എന്നെ ഇങ്ങനെ കാണാനാണ് താല്പര്യം. നിങ്ങള് എന്ത് നെഗറ്റീവായി കാണാന് ഉദ്ദേശിച്ചാലും എന്നെ പോസിറ്റീവായിട്ട് കാണണം” എന്നാണ് ഏഷ്യനെറ്റ് ന്യൂസിനോട് അഭയ പറഞ്ഞത്.