കടുത്ത സ്ത്രീവിരുദ്ധതയാണെന്ന വിമര്‍ശനങ്ങള്‍ ഉയരുമ്പോഴും ഗംഭീര കളക്ഷനുമായി തിയേറ്ററില്‍ കുതിപ്പ് തുടരുകയാണ്. 500 കോടിക്ക് അടുത്ത് കളക്ഷന്‍ ആണ് ചിത്രം ഇതുവരെ നേടിയിരിക്കുന്നത്. ചിത്രത്തില്‍ രണ്‍ബിര്‍ കപൂറിനും രശ്മിക മന്ദാനയ്ക്കുമൊപ്പം ശ്രദ്ധ നേടിയ മറ്റൊരു താരമാണ് തൃപ്തി ദിമ്രി.
ചിത്രം റിലീസ് ചെയ്ത് ദിവസങ്ങള്‍ക്കുള്ളില്‍ തന്നെ രണ്‍ബിറും തൃപ്തിയും തമ്മിലുള്ള ഒരു ഇന്റിമേറ്റ് രംഗം സോഷ്യല്‍ മീഡിയയില്‍ പ്രചരിച്ചിരുന്നു. ഈ രംഗം ചിത്രീകരിച്ചത് എങ്ങനെയാണെന്നും സംവിധായകന്‍ തനിക്ക് നല്‍കിയ പിന്തുണ എത്ര മാത്രമായിരുന്നെന്നും തുറന്നു പറഞ്ഞിരിക്കുകയാണ് തൃപ്തി ഇപ്പോള്‍.
കംഫര്‍ട്ടാണെങ്കിലും അല്ലെങ്കിലും അത് തുറന്നു പറയണമെന്നും എല്ലാം തന്റെ സ്വാതന്ത്ര്യത്തിന് സംവിധായകന്‍ വിട്ടുതരികയാണ് ഉണ്ടായത്. റെഫറന്‍സുകള്‍ കണ്ടപ്പോള്‍ ശരിക്കും അതിശയിച്ചു. രണ്ട് കഥാപാത്രങ്ങള്‍ തമ്മിലുള്ള വളരെയേറെ പ്രാധാന്യമുള്ള രംഗമാണെന്ന് മനസിലായി. അത് തന്നെ കംഫര്‍ട്ടബിളാക്കി.
സെറ്റില്‍ നിങ്ങള്‍ പൂര്‍ണ്ണമായും സത്യസന്ധത പാലിക്കണം. നിങ്ങള്‍ സ്വയം മാറി ആ കഥാപാത്രമായിരിക്കണം. അതിന് പരിസ്ഥിതിക്ക് പോലും വലിയ പ്രാധാന്യമുണ്ട്. നിങ്ങളുടെ ചുറ്റുമുള്ള ആളുകള്‍ നിങ്ങളെ എങ്ങനെ പരിഗണിക്കുന്നുവെന്നത് വളരെ പ്രധാനമാണ്. ചിത്രീകരണ സമയത്ത് ഓരോ അഞ്ച് മിനിറ്റ് കൂടുമ്പോഴും രണ്‍ബിര്‍ വന്ന് താന്‍ അസ്വസ്ഥയല്ലെന്ന് ഉറപ്പാക്കിയിരുന്നു.
”ബുള്‍ ബുള്‍ ചിത്രത്തില്‍ ആയാലും അനിമലില്‍ ആയാലും റേപ്പ് സീനാണ് ചിത്രീകരിക്കുന്നതെങ്കില്‍ പോലും എന്റെ സുഖവും സൗകര്യവും ഉറപ്പാക്കാന്‍ ശ്രദ്ധിച്ചിരുന്നു. സംവിധായകനും ഛായാഗ്രാഹകനും അഭിനയിക്കുന്നവരും ഉള്‍പ്പെടെ അഞ്ചില്‍ കൂടുതല്‍ പേര്‍ അവിടെ ഉണ്ടായിരുന്നില്ല.”
”സെറ്റിലേക്ക് വേറെയാരെയും പ്രവേശിപ്പിച്ചിരുന്നില്ല. മോണിട്ടറുകള്‍ ഓഫാക്കിയിരുന്നു. എന്ത് രംഗമാണ് ചിത്രീകരിക്കുന്നതെന്ന് പറഞ്ഞു തരികയും എനിക്ക് എന്തെങ്കിലും ബുദ്ധിമുട്ട് അനുഭവപ്പെടുന്നുണ്ടോ എന്ന് അവര്‍ അന്വേഷിക്കുകയും ചെയ്തിരുന്നു” എന്നാണ് തൃപ്തി ദിമ്രിപ പറയുന്നത്.