പരിക്കേറ്റു കിടക്കുന്ന അമ്മയെ കാണാനായി മുംബൈയില് നിന്നും ഡല്ഹിയിലെത്തി ബോളിവുഡ് നടി സ്വര ഭാസ്ക്കര്. നാലാം ഘട്ട ലോക്ഡൗണില് ഇളവ് പ്രഖ്യാപിച്ചപ്പോഴാണ് തോളിന് പരിക്കേറ്റ അമ്മയെ കാണാന് നടി എത്തിയത്. 1400 കിലോമീറ്റര് തന്റെ വളര്ത്തു മൃഗങ്ങളായ മൂന്ന് പൂച്ചകള്ക്കും പട്ടിക്കുമൊപ്പമാണ് യാത്ര ചെയ്തത്.
ആവശ്യമായ അനുമതികളോടെയായിരുന്നു താരത്തിന്റെ യാത്ര. രണ്ട് ദിവസമെടുത്ത് റോഡ് മാര്ഗത്തിലാണ് സ്വര വീട്ടിലെത്തിയത്. ഡല്ഹിയില് എത്തിയ സ്വര സര്ക്കാര് പ്രോട്ടോക്കോള് അനുസരിച്ചുള്ള ക്വാറന്റീനിലാണ്. ഡല്ഹി ജവഹര്ലാല് നെഹ്റു യൂണിവേഴ്സിറ്റിയിലെ പ്രഫസറാണ് സ്വരയുടെ അമ്മ ഇറ ഭാസ്കര്.
അമ്മയ്ക്ക് പരുക്കേറ്റത് സ്വരയെ ആശങ്കയിലാക്കിയിരുന്നു. വിഷമഘട്ടത്തില് അമ്മയ്ക്കൊപ്പം നില്ക്കാന് സാധിക്കാത്തതിന്റെ ദുഃഖത്തിലായിരുന്നു താരം.