നിർമാതാവും തിരക്കഥാകൃത്തുമായ ഹിമാന്ശു ശര്മയുമായുള്ള പ്രണയത്തകര്ച്ചയെ കുറിച്ച് ബോളിവുഡ് താരം സ്വര ഭാസ്ക്കര്. വളരെ നിര്ഭാഗ്യകരമായ കാര്യമാണ് എന്നാല് ആരോടും ദേഷ്യമുണ്ടായിരുന്നില്ല. ആരും തന്നെ വഞ്ചിച്ചിട്ടില്ലെന്നും മോശമായി പെരുമാറിയിട്ടില്ലെന്നും സ്വര വ്യക്തമാക്കി.
“”എപ്പോഴും അതിനെക്കുറിച്ച് ചിന്തിക്കാറുണ്ട്. നിങ്ങള് ഒരു പാര്ക്കിലൂടെ നടക്കുകയാണ്, അതാണ് ബന്ധങ്ങള് എന്നു കരുതുക. ഒരുമിച്ച് നടക്കാന് തീരുമാനിക്കുന്നു. പോകാന് രണ്ട് വഴികള് മാത്രമുള്ള ഒരു ഘട്ടത്തിലേക്ക് വരുന്നു, ഇടത്തോട്ടോ വലത്തോട്ടോ പോകാം, എന്നാല് ഒരാള് വലത്തേക്ക് പോകാന് ആഗ്രഹിക്കുന്നു, മറ്റൊരാള് ഇടത്തേക്ക് പോകാന് ആഗ്രഹിക്കുന്നു. അപ്പോള് അവരില് ഒരാള് പറയണം “ശരി ഞാന് എന്റേത് ഉപേക്ഷിച്ച് നിങ്ങളോടൊപ്പം വരും.””
“”ഒരു വ്യക്തി അവരുടെ ദിശയില് നിന്ന് മാറാന് ആഗ്രഹിക്കുന്നില്ലെങ്കില് നിങ്ങള് വിട പറയണം. നമ്മുടെ തിരഞ്ഞെടുപ്പുകള് മാത്രമല്ല മറ്റ് ആളുകളുടെ തിരഞ്ഞെടുപ്പുകളും അംഗീകരിക്കേണ്ടതുണ്ട്”” എന്ന് സ്വര ഒരു അഭിമുഖത്തില് പറഞ്ഞു. 2019 ജൂലൈയിലാണ് ഹിമാന്ശുവുമായി ബ്രേക്കപ്പ് ചെയ്തെന്ന കാര്യം സ്വര അറിയിക്കുന്നത്.