ഏഷ്യയിലെ ഏറ്റവും സെക്സിയിസ്റ്റ് താരമായി ഷാഹിദ് കപൂര്. കഴിഞ്ഞ വര്ഷം ഒന്നാം സ്ഥാനം നേടിയ പോപ് ഗായകന് സയന് മാലികിനെ പിന്തളളിയാണ് ഷാഹിദ് കപൂര് ഒന്നാമതെത്തിയത്. ഹൃതിക് റോഷന് , വിരാട് കോഹ്ലി, ഫവാദ് ഖാന് എന്നിവരും ഷാഹീദീന് വഴിമാറി. ബ്രിട്ടീഷ് മാധ്യമമായ ഈസ്റ്റേണ് ഐയാണ് ഏഷ്യയിലെ 50 സെക്സിസ്റ്റ് പുരുഷന്മാരുടെ പട്ടി പുറത്തിറക്കിയത്. സല്മാന് ഖാന്, ഗുര്മീത് ചൌധരി, രണ്വീര് സിംഗ് എന്നിവരും ഇന്ത്യയില് നിന്ന് ആദ്യ പത്തില് ഇടംനേടി.
സെക്സിയെസ്റ്റ് ഏഷ്യന് വിമണ് എന്ന പട്ടികയില് ഒന്നാം സ്ഥാനം പ്രിയങ്കയ്ക്കും രണ്ടാം സ്ഥാനം ടെലിവിഷന് അഭിനേതാവ് നിയ ശര്മ്മയ്ക്കുമായിരുന്നു. ദീപിക പദുക്കോണിന് ഇത്തവണ മൂന്നാമത് എത്താനേ സാധിച്ചുള്ളൂ. അഞ്ചാമത്തെ തവണയാണ് പ്രിയങ്ക ചോപ്ര സെക്സിയെസ്റ്റ് ഏഷ്യന് വിമണ് എന്ന നേട്ടം സ്വന്തമാക്കുന്നത്. കഴിഞ്ഞ വര്ഷം പ്രിയങ്കയില് നിന്ന് ആ സ്ഥാനം ദീപിക തട്ടിയെടുത്തപ്പോള് ഇത്തവണ പ്രിയങ്ക വീണ്ടും തിരിച്ചുപിടിച്ചു.
തന്റെ വിജയത്തിന്റെ മുഴുവന് ക്രെഡിറ്റും മാതാപിതാക്കള്ക്കും തന്നെ വോട്ട് ചെയ്ത് വിജയിപ്പിച്ചവര്ക്കുമാണ് നല്കിയത്. അവര്ക്ക് നന്ദി പറയാനും താരം മറന്നില്ല. 2017 യഥാര്ത്ഥത്തില് പ്രിയങ്കയുടെ വര്ഷം തന്നെയായിരുന്നു. ഹോളിവുഡിലും ഈ വര്ഷം താരം തന്റെ അരങ്ങേറ്റം കുറിച്ചു.