ഇന്ത്യയിലേക്ക് തിരിച്ചെത്തി പ്രിയങ്ക ചോപ്ര. മൂന്ന് വര്ഷത്തിന് ശേഷമാണ് താരം ഇന്ത്യയിലേക്ക് എത്തിയിരിക്കുന്നത്. ഇന്ത്യന് ഭക്ഷണം ആസ്വദിക്കുന്ന പ്രിയങ്കയുടെ പുതിയ ചിത്രമാണ് സോഷ്യല് മീഡിയയില് ഇപ്പോള് വൈറല് ആയിരിക്കുന്നത്. ഒരു ടേബിള് നിറയെ ഭക്ഷണവുമായാണ് താരത്തിന്റെ ഇരിപ്പ്.
സമൂസ, പനീര്, ചോറ്, പരിപ്പ് തുടങ്ങി നിരവധി വിഭവങ്ങളാണ് താരത്തിന്റെ മുന്നില് നിരത്തി വച്ചിരിക്കുന്നത്. ”എല്ലാ ദിവസവും എല്ലാ വിഭവങ്ങളും. എന്റെ സുഹൃത്തുക്കളും കുടുംബവും എന്നെ നന്നായി ആഹാരം കഴിപ്പിക്കുന്നുണ്ട്” എന്നാണ് പ്രിയങ്ക ഇന്സ്റ്റഗ്രാം സ്റ്റോറിയായി പങ്കുവച്ച ചിത്രത്തിനൊപ്പം കുറിച്ചിരിക്കുന്നത്.
വിവാഹത്തിന് ശേഷം ഭര്ത്താവ് നിക് ജൊനാസിനൊപ്പം ലോസ് ആഞ്ചല്സില് താമസിക്കുകയായിരുന്നു പ്രിയങ്ക. ‘ദ വൈറ്റ് ടൈഗര്’ ആയിരുന്നു താരത്തിന്റെതായി ഒടുവില് പുറത്തിറങ്ങിയ ബോളിവുഡ് ചിത്രം. ഇംഗ്രീഷിലും എത്തിയ ചിത്രം വിജയിച്ചിരുന്നില്ല. ‘ഇറ്റ്സ് ഓള് കമിങ് ബാക്ക് ടു മി’ എന്ന ഇംഗ്ലീഷ് ചിത്രമാണ് താരത്തിന്റെതായി ഇപ്പോള് ഒരുങ്ങിക്കൊണ്ടിരിക്കുന്നത്.
അതേസമയം, പ്രിയങ്ക ചോപ്ര മിസ് വേള്ഡ് പട്ടം നേടിയത് ചതിയിലൂടെയാണെന്ന് പറഞ്ഞ് സഹമത്സരാര്ത്ഥി കഴിഞ്ഞ ദിവസം രംഗത്തെത്തിയിരുന്നു. 2000ല് ആണ് പ്രിയങ്ക മിസ് വേള്ഡ് പട്ടം നേടുന്നത്. മിസ് വേള്ഡ് പട്ടം കിട്ടാന് കാരണം പേജന്റിന്റെ സ്പോണ്സര്മാരിലൊരാള് ഇന്ത്യയില് നിന്നായത് കൊണ്ടാണ്.
മത്സരത്തില് പ്രിയങ്കക്ക് മാത്രം മികച്ച വസ്ത്രങ്ങള് നല്കി. കൂടാതെ ഭക്ഷണവും മറ്റും മുറിയില് എത്തിച്ചു കൊടുത്തു. ബ്രിട്ടീഷ് രാജകുമാരി മേഗന് മെര്ക്കിളിന്റെ സൗഹൃദവും ഗുണം ചെയ്തു എന്നാണ് സഹമത്സരാര്ഥി ആയിരുന്ന ലെയ് ലാനി മാക്കോണി തന്റെ യൂട്യൂബ് ചാനലിലൂടെ വെളിപ്പെടുത്തിയത്.