ബോളിവുഡ് താരം പരിണീതി ചോപ്രയുടെ വിവാഹ ചിത്രങ്ങള് പുറത്ത്. ആം ആദ്മി പാര്ട്ടി നേതാവായ രാഘവ് ഛദ്ദയാണ് പരിനീതിയുടെ വരന്. ഉദയ്പൂരിലെ ലീല പാലസില് വച്ചായിരുന്നു വിവാഹം നടന്നത്. ലേക് പാലസില് രാഘവിന്റെ സെഹ്റബന്ദിക്ക് ശേഷം വള്ളങ്ങളിലാണ് വരനും സംഘവും വിവാഹ വേദിയിലേക്ക് പുറപ്പെട്ടത്.
വിവാഹത്തിന് മുമ്പുള്ള ചടങ്ങുകള് ശനിയാഴ്ച നടന്നിരുന്നു ഗായകന് നവരാജ് ഹാന്സിന്റെ പ്രകടനം അടക്കം അടങ്ങുന്ന ഹല്ദി, മെഹന്ദി ചടങ്ങുകള് നടന്നിരുന്നു. കഴിഞ്ഞയാഴ്ച ദില്ലിയില് അര്ദസും സൂഫി നൈറ്റും നടന്നിരുന്നു.
ഡല്ഹി മുഖ്യമന്ത്രി അരവിന്ദ് കെജ്രിവാളും പഞ്ചാബ് മുഖ്യമന്ത്രി ഭഗവന്ത് മാനും വിവാഹ ചടങ്ങുകളില് പങ്കാളികളായിരുന്നു. പരിനീതി ചോപ്രയുടെ അടുത്ത സുഹൃത്തായ സാനിയ മിര്സയും വധുവിന്റെ വാര്ഡ്രോബ് ഡിസൈന് ചെയ്ത മനീഷ് മല്ഹോത്രയും വിവാഹത്തില് പങ്കെടുത്തിരുന്നു.
കഴിഞ്ഞ മെയ് മാസത്തിലാണ് പരിനീതി ചോപ്ര-രാഘവ് ഛദ്ദ എന്നിവരുടെ വിവാഹനിശ്ചയം കഴിഞ്ഞത്. രാഘവ് ഛദ്ദ ഇപ്പോള് ആംആദ്മി പാര്ട്ടിയുടെ രാജ്യസഭ എംപിയാണ്. പരനീതിയും രാഘവും ഒന്നിച്ച് പഠിച്ചവരാണ്. ഇരുവരുടെതും പ്രണയ വിവാഹമായിരുന്നു.
മുമ്പൊരിക്കല് ഭര്ത്താവിന് 20 വയസ് കൂടുതലായാലൊന്നും തനിക്ക് പ്രശ്നമില്ലെന്ന് പരിനീതി പറഞ്ഞിരുന്നു. ഈ സ്വപ്നം യാഥാര്ത്യമായോ എന്നും ചിത്രങ്ങള് എത്തിയതോടെ പലരും ചോദിക്കുന്നുണ്ട്. സാമാന്യബോധവും പക്വതയുമുള്ള ഒരാളാണ് അദ്ദേഹം എങ്കില് പ്രായം എന്റെ വയസിനേക്കാളും 20 വയസ് കൂടുതലായാലും പ്രശ്നമില്ല എന്നായിരുന്നു നടി പറഞ്ഞത്. എന്നാല് ഇരുവര്ക്കും 34 വയസാണ്.