ലോക്ഡൗണ്‍ കാലത്ത് തങ്ങളാലാവുന്ന വിധം മറ്റുള്ളവരെ സഹായിക്കുകയാണ് സിനിമാ താരങ്ങള്‍. രാജ്യം കോവിഡ് പ്രതിസന്ധിയെ തുടര്‍ന്ന് ലോക്ഡൗണില്‍ തുടരവെ ദിവസവേതനക്കാരെ മാത്രമല്ല പാപ്പരായി ഫോട്ടോഗ്രാഫര്‍മാരെയും ഇത് ബാധിച്ചിട്ടുണ്ട്. ജിം, വീട്, എയര്‍പോര്‍ട്ട് എന്നിങ്ങനെ സെലിബ്രിറ്റികള്‍ എത്തുന്നിടത്തൊക്കെ ഫോട്ടോഗ്രാഫേര്‍സും പിന്നാലെ എത്തും.
എന്നാല്‍ ലോക്ഡൗണില്‍ എല്ലാം അടച്ചിടുകയും വീടുകളില്‍ നിന്നും സെലിബ്രിറ്റികള്‍ പുറത്തേക്ക് ഇറങ്ങാതെയും ആയതോടെ പാപ്പരാസികള്‍ക്കും ജോലിയില്ലാതെയായി. ലോക്ഡൗണില്‍ കഷ്ടപ്പെടുന്ന ഫോട്ടോഗ്രാഫേര്‍സിന് സഹായവുമായി എത്തിയിരിക്കുകയാണ് ബോളിവുഡ് താരം ഹൃത്വിക് റോഷനും സംവിധായകനും നിര്‍മ്മാതാവുമായ രോഹിത് ഷെട്ടിയും.
ഫോട്ടോഗ്രാഫേര്‍സിന്റെ അക്കൗണ്ടുകളിലേക്ക് താരങ്ങള്‍ പണം അയച്ച് സഹായിക്കാനാണ് താരങ്ങള്‍ താല്‍പര്യപ്പെടുന്നതെന്ന് വൈറല്‍ ഭയനി സോഷ്യല്‍ മീഡിയയില്‍ പങ്കുവച്ചു. താരങ്ങള്‍ സഹായിച്ചതായി മറ്റൊരു പാപ്പരാസി മാനവ് മാല്‍ഗാനി ഹിന്ദുസ്ഥാന്‍ ടൈംസിനോട് പ്രതികരിച്ചു.
