ഇന്ത്യയില് ഹോട്ട് എന്നതിനെ കുറിച്ച് വിചിത്രമായ കാഴ്ചപ്പാടാണ് ഉള്ളതെന്ന് നടി മല്ലിക ഷെരാവത്ത്. തനിക്ക് ഒരു നിര്മ്മാതാവില് നിന്നുമുണ്ടായ മോശം അനുഭവവും മല്ലിക പങ്കുവച്ചു. ദ ലവ് ലാഫ് ലിവ് ഷോയില് താരം പറഞ്ഞ വാക്കുകളാണ് സോഷ്യല് മീഡിയയില് ശ്രദ്ധ നേടുന്നത്. ഒരു പാട്ടിന് വേണ്ടിയുള്ള നിര്മ്മാതാവിന്റെ വിചിത്രമായ ആവശ്യത്തെ കുറിച്ചാണ് മല്ലിക മനസ് തുറന്നത്.
ഭയങ്കര ഹോട്ട് പാട്ടാണ്. കാഴ്ചക്കാര്ക്ക് എങ്ങനെയാണ് നിങ്ങള് ഹോട്ടാണെന്ന് മനസിലാവുക? നിങ്ങളുടെ ഇടുപ്പില് വച്ച് ചപ്പാത്തി ചൂടാക്കാന് വരെ പറ്റും. അത്രയും ഹോട്ടാണ് നിങ്ങള്. അങ്ങനെ എന്തൊക്കയോ ആണ് പറഞ്ഞത്. നിങ്ങള് എപ്പോഴെങ്കിലും കേട്ടിട്ടുണ്ടോ ഇങ്ങനെയുള്ള ചിന്തകള്? താന് പറഞ്ഞു, ഇല്ല, നമ്മള് ഇങ്ങനെ ഒന്നും ചെയ്യാന് പോണില്ല.
പക്ഷെ പിന്നെ ചിന്തിച്ചപ്പോള് അതൊരു തമാശയായാണ് തനിക്ക് തോന്നിയത്. ഇന്ത്യയില് ഹോട്ട് എന്നതിനെ കുറിച്ചുള്ളത് വിചിത്രമായ കാഴ്ചപ്പാടാണ്. അത് തനിക്ക് മനസിലാകില്ല. ഇപ്പോള് മെച്ചപ്പെട്ടിട്ടുണ്ട്. പക്ഷെ താന് കരിയര് തുടങ്ങിയ സമയത്ത് വളരെ വിചിത്രമായിരുന്നു. മര്ഡര് പോലുള്ള മല്ലികയുടെ സിനിമകളിലെ രംഗങ്ങള് വലിയ ചര്ച്ചയായി മാറിയതായിരുന്നു.
ബോള്ഡ്നെസിന്റെ പേരിലായിരുന്നു ഈ രംഗങ്ങള് ചര്ച്ചയായി മാറിയത്. തന്റെ ബോള്ഡ് ഓണ്സ്ക്രീന് വ്യക്തിത്വത്തിന്റെ പേരിലാണ് താന് പലപ്പോഴും വിലയിരുത്തപ്പെട്ടതെന്നും മല്ലിക പറയുന്നു. ഖ്വാഹിഷ്, മര്ഡര്, ദി മിത്ത്, ഹിസ്സ്, തേസ് തുടങ്ങിയ ചിത്രങ്ങളിലൂടെ ശ്രദ്ധേയയായ മല്ലിക ബോളിവുഡിലെ പേരുകേട്ട ഐറ്റം ഡാന്സര് കൂടിയാണ്.