അര്ജുന് കപൂറുമായുള്ള വേര്പിരിയല് സ്ഥിരീകരിച്ച് ബോളിവുഡ് താരം മലൈക അറോറ. അര്ജുന് കപൂറിന്റെ 39-ാം പിറന്നാള് ദിനത്തില് മലൈക പങ്കുവച്ച നിഗൂഢമായ ഇന്സ്റ്റഗ്രാം സ്റ്റോറി ശ്രദ്ധ നേടുകയാണ്. ”കണ്ണടച്ച് തിരിഞ്ഞ് നിന്നാലും വിശ്വസിക്കാന് പറ്റുന്ന ആളെയാണ് എനിക്കിഷ്ടം” എന്നാണ് മലൈക കുറിച്ചിരിക്കുന്നത്.
മാത്രമല്ല, അര്ജുന് കപൂറിന്റെ പിറന്നാള് പാര്ട്ടിയിലും മലൈക പങ്കെടുത്തിട്ടില്ല. ജാന്വി കപൂര്, ഷനായ കപൂര്, മോഹിത് മാര്വ, സഞ്ജയ് കപൂര്, മഹീപ് കപൂര്, വരുണ് ധവാന്, ഭാര്യ നടാഷ ദലാല് തുടങ്ങി നിരവധി പേര് അര്ജുന്റെ മിഡ്നൈറ്റ് ബര്ത്ത് ഡേ പാര്ട്ടിയില് പങ്കെടുക്കാനായി എത്തിയിരുന്നു.
മലൈകയും അര്ജുനും വേര്പിരിഞ്ഞുവെന്ന വാര്ത്ത നേരത്തെ പ്രചരിച്ചിരുന്നു. എന്നാല് ഇക്കാര്യം ഇരുവരും ഔദ്യോഗികമായി വ്യക്തമാക്കിയിട്ടില്ല. 2018ല് ഒരു ഫാഷന് ഷോയിലാണ് ഇരുവരും ആദ്യമായി ഒന്നിച്ചെത്തിയത്. 2019ല് ആയിരുന്നു തങ്ങള് പ്രണയത്തിലാണെന്ന് മലൈകയും അര്ജുനും വ്യക്തമാക്കിയത്.
ഇതോടെ ഇരുവരുടെയും പ്രായവ്യത്യാസം ചര്ച്ചകളില് നിറഞ്ഞിരുന്നു. അര്ജുനേക്കാള് 12 വയസ് കൂടുതലാണ് മലൈകയ്ക്ക്. പ്രായവ്യത്യാസം എന്നും വിമര്ശനങ്ങളിലും ട്രോളുകളിലും നിറഞ്ഞിരുന്നു. മെയ് മാസത്തിലാണ് ഇരുവരും വേര്പിരിഞ്ഞു എന്ന വാര്ത്ത എത്തിയത്. സൗഹൃദം നിലനിര്ത്തി പിരിഞ്ഞു എന്നാണ് ഇരുവരുടെയും ഒരു സുഹൃത്ത് പിങ്ക്വില്ലയോട് പറഞ്ഞത്.