ദ്രൗപദിയുടെ വീക്ഷണകോണില്‍ നിന്നുള്ള കഥയായ് ഒരുക്കുന്ന “മഹാഭാരത”ത്തില്‍ അര്‍ജുനനായി തെലുങ്ക് താരം മഹേഷ് ബാബു എത്തുമെന്ന് റിപ്പോര്‍ട്ടുകള്‍. ദീപിക പദുക്കോണ്‍ നായികയായെത്തുന്ന ചിത്രത്തില്‍ നായക വേഷത്തിലേക്ക് മഹേഷ് ബാബുവിനെ സമീപിച്ചതായുള്ള റിപ്പോര്‍ട്ടുകളാണ് പുറത്ത് വരുന്നത്.
ഇന്ത്യന്‍-അമേരിക്കന്‍ എഴുത്തുകാരി ചിത്ര ബാനര്‍ജി ദിവാകരുണിയുടെ “ദ പാലസ് ഓഫ് ഇല്ല്യൂഷ്ന്‍സ്” എന്ന വിഖ്യാതമായ നോവലിനെ അടിസ്ഥാനമാക്കിയാണ് ചിത്രം ഒരുങ്ങുന്നത്. ദ്രൗപദിയുടെ കാഴ്ചപ്പാടില്‍ മഹാഭാരതത്തെ നോക്കിക്കാണുന്ന നോവലാണ് ദ പാലസ് ഓഫ് ഇല്യൂഷന്‍സ്.
ദ്രൗപദിയുടെ വേഷം അവതരിപ്പിക്കുന്നതില്‍ ത്രില്ലും അഭിമാനവുമുണ്ടെന്നും ഏറ്റവും ശക്തമായ സ്ത്രീ കഥാപാത്രങ്ങളില്‍ ഒന്നായ ദ്രൗപദിയുടെ വേഷം “റോള്‍ ഓഫ് ലൈഫ്‌ടൈം” ആയി കരുതുന്നുവെന്നും ദീപിക പറഞ്ഞിരുന്നു. ആമിര്‍ ഖാന്‍, ഹൃത്വിക് റോഷന്‍ എന്നിവരുടെ പേരും ചിത്രത്തിനായി ഉയരുന്നുണ്ട്.