30 വര്ഷത്തിലേറെയായി ബോളിവുഡിലെ അടുത്ത സുഹൃത്തുക്കളാണ് ഷാരൂഖ് ഖാനും സംവിധായിക ഫറ ഖാനും. മേം ഹൂന് നാ, ഓം ശാന്തി ഓം, ഹാപ്പി ന്യൂ ഇയര് തുടങ്ങിയ സൂപ്പര് ഹിറ്റ് സിനിമകള് ഈ കോമ്പോയില് എത്തിയിട്ടുണ്ട്. ഒരു നൃത്ത രംഗം ഷാരൂഖ് വെള്ളം പോലും കുടിക്കാതെ ചെയ്തു എന്നാണ് ഫറ ഇപ്പോള് വെളിപ്പെടുത്തിയിരിക്കുന്നത്.
‘ഓം ശാന്തി ഓം’ എന്ന ചിത്രത്തിലെ ‘ദര്ദ് എ ഡിസ്കോ എന്ന ഗാനത്തിന്റെ ഷൂട്ടിംഗ് സമയത്ത് രണ്ട് ദിവസം ഷാരൂഖ് വെള്ളം കുടിച്ചിട്ടില്ല എന്നാണ് ഫറ പറയുന്നത്. ”മെയ് ഹൂന് നാ’ എന്ന ചിത്രത്തില് എനിക്ക് ഷാരൂഖിനെ, ഷര്ട്ടില്ലാതെ ശരീരത്തിലെ മസിലുകള് കാണുന്ന രീതിയില് ഷൂട്ട് ചെയ്യണമായിരുന്നു..”
”എന്നാല് അന്ന് അദ്ദേഹത്തിന്റ ബോഡി അത്ര ഫിറ്റായിരുന്നില്ല, നട്ടെല്ലിന് പരുക്കേറ്റതിനെ തുടര്ന്ന് ശസ്ത്രക്രിയ കഴിഞ്ഞിരിക്കുന്ന സമയമായിരുന്നു അത്. അന്ന് ആ ഷോട്ടുകള് ചിത്രീകരിക്കാന് സാധിച്ചിരുന്നില്ല. എന്നാല് ഇനി ഞാന് ബോഡി കാണിച്ച് കാമറയ്ക്ക് മുന്നില് എത്തുന്നത് നിങ്ങളുടെ ചിത്രത്തിലായിരിക്കുമെന്ന് ഷാരൂഖ് വാക്ക് തന്നിരുന്നു.”
”അതാണ് ‘ഓം ശാന്തി ഓം’ എന്ന ചിത്രത്തിലൂടെ അദ്ദേഹം പാലിച്ചത്. ശരീരത്തിലെ മസിലുകള് തെളിഞ്ഞു നില്ക്കുന്നതിനായി ഷാരൂഖ് രണ്ട് ദിവസത്തോളം വെള്ളം കുടിച്ചില്ല. മസില് ക്രാമ്പ് കാരണം ഗാനരംഗത്തില് അദ്ദേഹത്തിന് കൃത്യമായി ഡാന്സ് ചെയ്യാന് സാധിച്ചിരുന്നില്ല” എന്നാണ് ഫറ ഖാന് പറയുന്നത്.
അതേസമയം, 1994ല് പുറത്തിറങ്ങിയ ‘കഭി ഹാ കഭി നാ’ എന്ന ചിത്രത്തിലാണ് ഷാരൂഖും ഫറയും ആദ്യമായി ഒന്നിക്കുന്നത്. ഈ ചിത്രത്തില് കൊറിയോഗ്രാഫര് ആയിരുന്നു ഫറ. ഷാരൂഖിന്റെ ‘കുച്ച് കുച്ച് ഹോതാ ഹേ’, ‘കല് ഹോ ന ഹോ’ എന്നീ ചിത്രങ്ങളില് ഫറ അഭിനയിച്ചിട്ടുണ്ട്. 2004ല് മേം ഹൂന് ചിത്രം ഒരുക്കിയാണ് സംവിധായികയായി അരങ്ങേറ്റം കുറിച്ചത്.