സല്മാന് ഖാന് ചിത്രം ‘ടൈഗര് 3’ ആഘോഷത്തോടെ ഏറ്റെടുത്തിരിക്കുകയാണ് പ്രേക്ഷകര്. ചിത്രത്തില് ഷാരൂഖ് ഖാനും ഹൃത്വിക് റോഷനും എത്തുമെന്ന് നേരത്തെ വാര്ത്തകള് എത്തിയിരുന്നു. യഷ് രാജ് സ്പൈ യൂണിവേഴ്സില് എത്തിയ ടൈഗര് 3യിലെ ഷാരൂഖ് ഖാന്റെ സീനുകളാണ് ഇപ്പോള് പ്രേക്ഷകര് ഏറ്റെടുത്തിരിക്കുന്നത്.
ടൈഗര് 3യില് ഗംഭീര ആക്ഷന് സീനുകളാണ് ഷാരൂഖ് ഖാന്. കാമിയോ റോളിലെത്തുന്ന താരത്തിന്റെ വീഡിയോകള് സോഷ്യല് മീഡിയയില് വൈറലാകുന്നുണ്ട്. ഷാരൂഖ് ഖാന്റെ ലുക്കിനെ ആരാധകര് അഭിനന്ദിക്കുന്നുമുണ്ട്. ടൈഗറിനൊപ്പം ‘പഠാന്’ ആയാണ് ഷാരൂഖ് എത്തിയിരിക്കുന്നത്.
ഷാരൂഖ് ഖാന്റെ ‘പഠാന്’ ശേഷം യഷ് രാജ് ഫിലിംസ് 1000 കോടി പ്രതീക്ഷിക്കുന്ന ചിത്രമാണ് ടൈഗര് 3. കത്രീന കൈഫ് ആണ് ചിത്രത്തില് നായിക. ടൈഗര് സിനിമയുടെ മറ്റു ഭാഗങ്ങളിലും കത്രീന ആയിരുന്നു നായിക. രാജ്യത്തിന് വേണ്ടിയും കുടുംബത്തിന് വേണ്ടിയും പൊരുതുന്ന ടൈഗര് അവിനാഷ് റാത്തോഡ് എന്ന ഇന്ത്യന് ഏജന്റാണ് ചിത്രത്തില്.
രേവതി സിനിമയില് പ്രധാന റോളില് എത്തുന്നുണ്ട്. 2012ല് പുറത്തെത്തിയ സല്മാന് ഖാന് ചിത്രം ‘ഏക് ഥാ ടൈഗര്’ മുതലാണ് വൈആര്എഫ് സ്പൈ യൂണിവേഴ്സിന് തുടക്കമിട്ടത്. 2017ല് രണ്ടാം ഭാഗമായി ‘ടൈഗര് സിന്ദാ ഹെ’ എത്തി. ആറ് വര്ഷത്തിനിപ്പുറമാണ് ടൈഗര് 3 എത്തിയിരിക്കുന്നത്.