നടി ശ്രീദേവിയുടെ മെഴുക് പ്രതിമയ്ക്ക് മുന്നില് പൊട്ടിക്കരഞ്ഞ് ഭര്ത്താവും സിനിമാ നിര്മ്മാതാവുമായ ബോണി കപൂര്. സിംഗപ്പൂരിലെ മാഡം ട്യൂഡോ വാക്സ് മ്യൂസിയത്തില് ശ്രീദേവിയുടെ മെഴുക് പ്രതിമ അനാച്ഛാദന ചടങ്ങിലാണ് ബോണി കപൂര് വികാരാധീനനായി പൊട്ടിക്കരഞ്ഞത്. ഇത് കണ്ടു നിന്നവരെയും ദുഃഖത്തിലാഴ്ത്തി.
“ദേവി എന്റെ മനസ്സില് മാത്രമല്ല. നിങ്ങള് ഓരോരുത്തര്ക്കുള്ളിലും ഇന്നും ജീവിക്കുന്നു. അവള്ക്ക് മരണമില്ല. ഈ പ്രതിമ ശ്രീദേവിയെ സ്നേഹിക്കുന്ന ലക്ഷക്കണക്കിന് ആരാധകര്ക്കായി ഞാന് സമര്പ്പിക്കുന്നു.” ബോണി കപൂര് പറഞ്ഞു. മക്കളായ ജാന്വി കപൂര്, ഖുശി കപൂര് എന്നിവരും ചടങ്ങില് സന്നിഹിതരായിരുന്നു. ശ്രീദേവിയുടെ അടുത്ത സുഹൃത്തുക്കളും ആരാധകരും ചടങ്ങില് പങ്കെടുത്തു.
https://twitter.com/allthatisshals/status/1169083346162311169
“മിസ്റ്റര് ഇന്ത്യ” എന്ന ചിത്രത്തിലെ ശ്രീദേവിയുടെ സീമാ സോണി എന്ന കഥാപാത്രത്തിന്റെ മാതൃകയിലാണ് മെഴുക് പ്രതിമ ഒരുക്കിയിരിക്കുന്നത്. ശേഖര് കപൂര് സംവിധാനം ചെയ്ത് ബോണി കപൂര് നിര്മ്മിച്ച ഈ ചിത്രം 1987- ലാണ് പുറത്തിറങ്ങിയത്.