സൂപ്പര്‍സ്റ്റാര്‍ ധനുഷ് വീണ്ടും ബോളിവുഡിലേക്കെത്തുന്ന ചിത്രത്തില്‍ പ്രധാന കഥാപാത്രമായി നടന്‍ അജയ് ദേവഗണും എത്തുമെന്ന് റിപ്പോര്‍ട്ടുകള്‍. “രാഝന” എന്ന ചിത്രത്തിന് ശേഷം ആനന്ദ് എല്‍ റോയിയും ധനുഷും വീണ്ടും ഒന്നിക്കുന്ന ചിത്രമാണിത്.
ചിത്രത്തില്‍ ഒരു പ്രധാന വേഷത്തിലാകും അജയ് ദേവ്ഗണ്‍ എത്തുക. സാറ അലിഖാനാണ് ചിത്രത്തില്‍ നായികയായെത്തുന്നത്. ബിഹാറിലെ ഗ്രാമത്തില്‍ നിന്നു വരുന്ന പെണ്‍കുട്ടിയായാണ് സാറ വേഷമിടുന്നത്. ഈ ചിത്രം രാഝനയുടെ രണ്ടാം ഭാഗമായല്ല ഒരുങ്ങുന്നതെന്ന് സംവിധായകന്‍ വ്യക്തമാക്കിയിരുന്നു.
രാഝന ആയിരുന്നു ധനുഷിന്റെ ആദ്യ ബോളിവുഡ് ചിത്രം. സോനം കപൂറാണ് ചിത്രത്തില്‍ നായികയായെത്തിയത്. അമിതാഭ് ബച്ചനൊപ്പമുള്ള “ഷമിതാഭ്” ആയിരുന്നു ധനുഷിന്റെ രണ്ടാമത്തെ ബോളിവുഡ് ചിത്രം. “മൈതാന്‍” എന്ന പുതിയ ചിത്രത്തിന്റെ തിരക്കിലാണ് അജയ് ദേവ്ഗണ്‍.