"ഡോക്ടർ: രക്തസ്രാവം നിലച്ചാൽ മാത്രമേ രോഗിയെ പരിശോധിക്കൂ": പൗരത്വ നിയമ ഹർജികൾ തത്കാലം കേൾക്കില്ലെന്ന് സുപ്രീം കോടതി, പരിഹാസവുമായി ട്വിറ്റർ ഉപയോക്താക്കൾ

രാജ്യത്ത് അക്രമങ്ങൾ അവസാനിക്കുമ്പോൾ മാത്രമേ പൗരത്വ നിയമ ഭേദഗതിക്കെതിരായ ഹർജികൾ കേൾക്കുകയുള്ളൂ എന്ന് സുപ്രീം കോടതി ഇന്ന് അറിയിച്ചു.

പുതിയ പൗരത്വ നിയമം ഡിസംബർ ആദ്യം പാസാക്കിയതു മുതൽ ലക്ഷക്കണക്കിന് ഇന്ത്യക്കാരാണ് നിയമത്തിനെതിരെ പ്രതിഷേധം തുടരുന്നത്. നിയമനിർമ്മാണം മുസ്‌ലിങ്ങളോട് വിവേചനം കാണിക്കുന്നുവെന്ന് വിമർശകർ ചൂണ്ടിക്കാട്ടുന്നു.

ഭേദഗതി ചെയ്ത നിയമത്തിനെതിരെ പ്രതിഷേധിച്ച ഡൽഹിയിലെ ജാമിയ മിലിയ ഇസ്‌ലാമിയ യൂണിവേഴ്‌സിറ്റി, ഉത്തർപ്രദേശിലെ അലിഗഡ് മുസ്‌ലിം യൂണിവേഴ്‌സിറ്റി എന്നിവിടങ്ങളിലെ വിദ്യാർത്ഥികൾക്കെതിരായ പൊലീസ് ക്രൂരതയ്‌ക്കെതിരായ ഹർജികളും കേൾക്കാൻ സുപ്രീം കോടതി ഇന്ന് വിസമ്മതിച്ചു.

അതേസമയം സുപ്രീം കോടതിയുടെ പ്രസ്താവന ട്വിറ്ററിലെ സർഗ്ഗാത്മക മനസ്സുകളെ ഉത്തേജിപ്പിച്ചിരിക്കുകയാണ്, കോടതിയുടെ നിലപാടിനെതിരെ നിരവധി പേരാണ് ട്വിറ്ററിലൂടെ രൂക്ഷപരിഹാസവുമായി രംഗത്തെത്തിയിരിക്കുന്നത്.

“ലെ ഡോക്ടർ: രക്തസ്രാവം നിലച്ചാൽ മാത്രമേ രോഗിയെ പരിശോധിക്കൂ.” എന്നാണ് ഒരു ട്വിറ്റർ ഉപയോക്താവ് പരിഹസിച്ചിരിക്കുന്നത്.

https://twitter.com/paan_addict/status/1215167114274734080?ref_src=twsrc%5Etfw%7Ctwcamp%5Etweetembed%7Ctwterm%5E1215167114274734080&ref_url=https%3A%2F%2Fscroll.in%2Farticle%2F949320%2Fsupreme-courts-reason-for-not-hearing-caa-pleas-sets-twitter-giggling

“പ്ലംബർ: ചോർച്ച നിന്നാൽ മാത്രമേ ടാപ്പ് നന്നാക്കൂ.” എന്നാണ് മറ്റൊരു ട്വീറ്റ്.

“കൃഷിക്കാരൻ: വിള വിറ്റതിനുശേഷം മാത്രമേ വിളവെടുക്കൂ.”

“സ്വിഗ്ഗി: ഉപഭോക്താവ് വിശന്ന് ബോധംകെട്ടാൽ ഭക്ഷണം എത്തിക്കും.”

“തോട്ടക്കാരൻ: വളരുന്നത് നിന്നാൽ മാത്രമേ പുല്ല് മുറിക്കുകയുള്ളൂ.”

“ലെ പൈലറ്റ്: എല്ലാ യാത്രക്കാരും വിമാനത്തിൽ നിന്ന് ഇറങ്ങിയതിനുശേഷം മാത്രമേ വിമാനം താഴെയിറക്കൂ.”

“ദുഷ്‌കരമായ സമയങ്ങളിൽ” സമാധാനം സ്ഥാപിക്കുകയെന്ന ലക്ഷ്യത്തിന് പ്രാധാന്യം നൽകേണ്ട അവസരത്തിൽ ഇത്തരം അപേക്ഷകൾ ഒരു തരത്തിലും ഗുണം ചെയ്യില്ലെന്ന് സുപ്രീം കോടതി പറഞ്ഞു.

പൗരത്വ നിയമം ഭരണഘടനാപരമായി പ്രഖ്യാപിക്കണമെന്നും ഇത് നടപ്പാക്കാൻ എല്ലാ സംസ്ഥാനങ്ങൾക്കും നിർദ്ദേശം നൽകണമെന്നും ആവശ്യപ്പെട്ട് അഭിഭാഷകനായ വിനീത് ധണ്ട നൽകിയ ഹർജി പരിഗണിക്കാതെയാണ് സുപ്രീം കോടതി ഈ നിരീക്ഷണം നടത്തിയത്.

പൗരത്വ ഭേദഗതി നിയമത്തിന്റെ സാധുതയെ ചോദ്യം ചെയ്യുന്ന ഹർജികൾ അക്രമം അവസാനിച്ചാലുടൻ കേൾക്കുമെന്ന് സുപ്രീം കോടതി അറിയിച്ചു.

കടപ്പാട്: സ്ക്രോൾ.ഇൻ 

Latest Stories

വിരാട് കോഹ്‌ലിയും ധോണിയും അല്ല, എനിക്ക് ഉറക്കമില്ലാത്ത രാത്രികൾ സമ്മാനിച്ച ബാറ്റർ അവൻ മാത്രമാണ്, അവനെതിരെ എനിക്ക് ജയിക്കാനാകില്ല: ഗൗതം ഗംഭീർ

ഒരേ പേരുള്ള സ്ഥാനാര്‍ത്ഥികളെ മത്സരിപ്പിക്കരുത്; പൊതുതാത്പര്യ ഹര്‍ജി തള്ളി സുപ്രീംകോടതി

വല്ലാണ്ട് ചാരിത്ര്യശുദ്ധി കാണിച്ച് ജീവിക്കേണ്ട ആവശ്യമുണ്ടോ? എല്ലാവര്‍ക്കും തെറ്റ് സംഭവിക്കും..; ബിഗ് ബോസ് മുന്‍ മത്സരാര്‍ത്ഥി മനീഷ

വേൾഡ് റെക്കോർഡ് ലക്ഷ്യമിട്ട് കൊടുംവേനലിൽ കുട്ടികളെ നിർത്തിച്ചു; കുഴഞ്ഞുവീണ് കുട്ടികൾ; പ്രഭുദേവയുടെ നൃത്തപരിപാടിക്കെതിരെ പ്രതിഷേധം കനക്കുന്നു

ആരാണ് കിഷോരി ലാല്‍ ശര്‍മ?

ഹാർദികിന്റെ കീഴിൽ കളിക്കുമ്പോൾ ഉള്ള പ്രശ്നങ്ങൾ, വിശദീകരണവുമായി രോഹിത് ശർമ്മ

റായ്ബറേലിയില്‍ നാമനിര്‍ദേശ പത്രിക സമര്‍പ്പിച്ച് രാഹുല്‍ ഗാന്ധി; ഒപ്പം സോണിയ ഗാന്ധിയും പ്രിയങ്കയും

IPL 2024: അവന്‍ ഇന്ത്യന്‍ ക്രിക്കറ്റിന്‍റെ ഭാവി രത്നം, അപൂര്‍വ്വ പ്രതിഭ; പ്രശംസിച്ച് ഷെയ്ന്‍ വാട്‌സണ്‍

സ്ത്രീയാണെന്ന യാതൊരു പരിഗണനയും തരാതെ മോശമായി സംസാരിച്ചു, യദു റോഡില്‍ സ്ഥിരമായി റോക്കി ഭായ് കളിക്കുന്നവന്‍..; പരാതിയും ചിത്രങ്ങളുമായി നടി റോഷ്‌ന

രോഹിത് വെമുലയുടെ ആത്മഹത്യ; അന്വേഷണം അവസാനിപ്പിച്ച് തെലങ്കാന പൊലീസ്