സമകാലിക രാഷ്ട്രീയ വിഷയങ്ങളെ സംബന്ധിച്ച് മന്ത്രി പി. രാജീവ് ദേശാഭിമാനിയിലും മറ്റ് ആനുകാലികങ്ങളിലും എഴുതിയ ലേഖനങ്ങളിൽ നിന്നും തെരഞ്ഞെടുത്ത ലേഖനങ്ങൾ പുസ്തകമാവുന്നു. ഓഗസ്റ്റ് അഞ്ചിന് എറണാകുളം ടി കെ കൾച്ചറൽ സെന്‍ററിൽ നടക്കുന്ന ചടങ്ങിൽ സിപിഎം പി.ബി അംഗവും മുൻ മന്ത്രിയുമായ എം എ ബേബിയാണ് പുസ്തകപ്രകാശനം നിർവ്വഹിക്കുക. എം കെ സാനു,ബെന്യാമിൻ, മ്യൂസ് മേരി ജോർജ്, എൻ ഇ സുധീർ തുടങ്ങിയവർ ചടങ്ങളിൽ പങ്കെടുക്കും.
‘ഇന്ത്യ ദാറ്റ് ഈസ് ഭാരത് ആൻ ഇൻട്രൊഡക്ഷൻ ടു കോൺസ്റ്റിറ്റ്യൂഷണൽ ഡിബേറ്റ്‌സ്’ എന്ന പി. രാജീവിന്റെ മുൻ പുസ്തകവും ഏറെ ചർച്ചയായ കൃതിയായിരുന്നു. ഇന്ത്യൻ ഭരണഘടനയുടെ രൂപീകരണവും, ഭരണഘടനാ അസംബ്ലിയിലെ സംവാദങ്ങളെ കുറിച്ചുള്ള പഠനവുമായിരുന്നു പുസ്തകത്തിന്റെ പ്രമേയം.
