സൗത്ത് ഇന്ത്യന് ബാങ്കിന്റെ പുതിയ ചീഫ് ഓപ്പറേറ്റിംഗ് ഓഫീസറായി (സിഒഒ) ടി. ആന്റോ ജോര്ജിനെ നിയമിച്ചു. ബാങ്കിന്റെ എച്ച്ആര് ആന്ഡ് ഓപ്പറേഷന്സ് ചീഫ് ജനറല് മാനേജരായി പ്രവര്ത്തിക്കുകയായിരുന്നു അദ്ദേഹം.
മൂന്നു പതിറ്റാണ്ടിലേറെ പരിചയസമ്പത്തുള്ള ആന്റോ ജോര്ജ് രാജ്യത്തെ മെട്രോ ശാഖകളിലടക്കം ബ്രാഞ്ച് ഹെഡ്, ചെന്നൈ, ഹൈദരാബാദ്, ഡല്ഹി മേഖലകളുടെ റീജണല് ഹെഡ് എന്നീ ചുമതലകള് വഹിച്ചിട്ടുണ്ട്.
ഇന്റേണല് ഓഡിറ്റ് ആന്ഡ് വിജിലന്സ്, ഫ്രോഡ് മാനേജ്മെന്റ്, കോര്പറേറ്റ്/റീട്ടെയില്/അഗ്രികള്ച്ചര് ക്രെഡിറ്റ്, ബാങ്കിംഗ് ഓപ്പറേഷന്സ്, ഗവണ്മെന്റ് ലൈസന്സ്, എച്ച്ആര് ഓപ്പറേഷന്സ്, ബിസിനസ് ഡെവലപ്മെന്റ്, പ്രോഡക്ട് മാനേജ്മെന്റ്, ന്യൂ ബ്രാഞ്ച് സെറ്റപ്പുകള്, ട്രെയിനിംഗ് ആന്ഡ് ഡെവലപ്മെന്റ്, പീപ്പിള് മാനേജ്മെന്റ് എന്നീ മേഖലകളില് വിദഗ്ധനാണ് ടി. ആന്റോ ജോര്ജ്.