ഇന്റര്നെറ്റ് സ്പീഡ് കുറഞ്ഞത് കാരണമോ ഡാറ്റ തീര്ന്നത് കാരണമോ യു.പി.ഐ ഇടപാട് നടത്താന് കഴിയാതെ പെട്ടുപോയിട്ടുണ്ടോ? ഒരിക്കലെങ്കിലും അത്തരമൊരു അനുഭവമുണ്ടായവരായിരിക്കും നമ്മള് ഓരോരുത്തരും. എന്നാല് ഇന്റര്നെറ്റ് സഹായമില്ലാതെയും ഈ ഇടപാടുകള് നടത്താം. എങ്ങനെയെന്ന് പറയാം.
ഫോണ് വഴി യു.എസ്.എസ്.ഡി കോഡിന്റെ സഹായത്തോടെ ഓഫ്ലൈന് മോഡില് നിങ്ങള്ക്ക് യു.പി.ഐ ഉപയോഗിക്കാം. ഇതിന് സ്മാര്ട്ട്ഫോണ് തന്നെ വേണമെന്നുമില്ല.
ആദ്യം ചെയ്യേണ്ടത് *99# ലേക്ക്, യു.എസ്.എസ്.ഡി സര്വ്വീസിലേക്ക് ഡയല് ചെയ്യുകയാണ്. സ്മാര്ട്ട്ഫോണ് ഉപഭോക്താക്കള് അല്ലാത്തവര് അടക്കം എല്ലാ മൊബൈല് ഉപഭോക്താക്കള്ക്കുമായി 2021 നവംബറിലാണ് നാഷണല് പെയ്മെന്റ് കോര്പ്പറേഷന് ഓഫ് ഇന്ത്യ ഈ സേവനം ആരംഭിച്ചതെങ്കിലും ഇതിനും നാലുവര്ഷങ്ങള്ക്ക് മുമ്പ് സര്ക്കാര് യു.പി.ഐ നെറ്റുവര്ക്കിന് തുടക്കമിട്ടിരുന്നു.
*99# സേവനം തുടക്കത്തില് പരിമിതമായിരുന്നു. ടെലികോം സേവനദാതാക്കളായ ബി.എസ്.എന്.എല്, എം.ടി.എന്.എല് എന്നിവ വഴി മാത്രമേ ഈ സേവനം ലഭിച്ചിരുന്നുള്ളൂ. 2016 ആഗസ്റ്റില് യു.പി.ഐ, *99# എന്നീ രണ്ട് ഡിജിറ്റള് പെയ്മെന്റ് മെത്തേഡുകളെ എന്.പി.സി.ഐ സംയോജിപ്പിക്കുകയും യു.പി.ഐഡി വഴി അല്ലെങ്കില് പെയ്മെന്റ് അഡ്രസ് വഴി പണം അയക്കാനും സ്വീകരിക്കാനും അനുവദിക്കുകയും ചെയ്തു.
ഇന്റര്നെറ്റില്ലാതെ യു.പി.ഐ ഇടപാടുകള് നടത്തുന്ന വിധം:
1. ബാങ്ക് അക്കൗണ്ടുമായി ലിങ്ക് ചെയ്ത മൊബൈല് നമ്പറില് നിന്നും *99# ഡയല് ചെയ്യുക.
2. ഫോണിന്റെ സ്ക്രീനില് ഒരു മെനുവരുന്നത് കാണാം. സെന്റ് മണി, റിക്വസ്റ്റ് മണി, ചെക്ക് ബാലന്സ്, മൈ പ്രൊഫൈല്, പെന്റിങ് റിക്വസ്റ്റ്, ട്രാന്സാക്ഷന്സ്, യു.പി.ഐ പിന് എന്നീ സേവനങ്ങള് മെനുവില് കാണാം.
3. പണം അയക്കാനാണെങ്കില് സെന്റ് മണി എന്റര് ചെയ്ത് സെന്റ് ടാപ് ചെയ്യാം.
4. നിങ്ങള്ക്ക് ചെയ്യേണ്ട കാര്യം തെരഞ്ഞെടുത്താല് പണം അയക്കേണ്ടയാളുടെ യു.പി.ഐ ഐഡിയോ ബാങ്ക് അക്കൗണ്ട് നമ്പറോ ഫോണ് നമ്പറോ എന്റര് ചെയ്യാം.
5. ഇനി അയക്കേണ്ട തുകയും യു.പി.ഐ പിന് നമ്പറും അടിക്കുക.
6. *99# ഉപയോഗിച്ചുള്ള ഇടപാട് പൂര്ത്തിയായാല് ഒരു ഇടപാടിന് ഏറ്റവും കൂടിയത് 0.50 പൈസ നിരക്കില് ഈടാക്കും.
ഈ സേവനം വഴി അയക്കാവുന്ന ഏറ്റവും കൂടിയ തുക 5000 ആണ്.
*99# സേവനത്തിന്റെ സവിശേഷതകള്:
സ്മാര്ട്ട് ഫോണുകളിലും അല്ലാത്ത മൊബൈല് ഫോണുകള് വഴിയും ഈ സേവനം ഉപയോഗിക്കാം
കോഡ് അടിച്ചാല് വരുന്ന മെനുവില് നാവിഗേഷന് എളുപ്പമാണ്.
ആഴ്ചയില് എല്ലാദിവസവും എപ്പോഴും ഈ സേവനം ലഭ്യമാണ്.