കാര്‍ വിപണിയില്‍ മാരുതിക്കും ഹ്യുണ്ടായിക്കും തിരിച്ചടി ; കുതിച്ച് കയറി ടാറ്റയും മഹീന്ദ്രയും; ടാറ്റ വിറ്റത് 4,84,843 പാസഞ്ചര്‍ വാഹനങ്ങള്‍; കിടമത്സരം മുറുകുന്നു

മുൻനിര വാഹന നിർമാണ കമ്പനികളായ മാരുതി സുസുക്കിയും ഹ്യുണ്ടായ് മോട്ടോറും കഴിഞ്ഞ സാമ്പത്തിക വർഷത്തെ അപേക്ഷിച്ച് ഈ വർഷം വിപണിവിഹിതത്തിൽ ഇടിവ് നേരിട്ടതായി ഫെഡറേഷൻ ഓഫ് ഓട്ടോമൊബൈൽ ഡീലേഴ്‌സ് അസോസിയേഷൻ (ഫാഡ). 2021 – 22 ൽ 12.39 ലക്ഷം വാഹനങ്ങളിൽ നിന്ന് 2022 – 23ൽ മാരുതിയുടെ വിൽപന 14.79 ലക്ഷം വാഹനങ്ങളായി ഉയർന്നു എങ്കിലും വിപണിവിഹിതം 42.13 ശതമാനത്തിൽ നിന്ന് 40.86 ശതമാനമായി താഴ്ന്നുവെന്ന് ഫാഡ പുറത്തുവിട്ട രാജ്യത്തെ ആർ.ടി ഓഫീസുകളിൽ നിന്നുള്ള രജിസ്‌ട്രേഷൻ വിവരങ്ങൾ പ്രകാരം തയ്യാറാക്കിയ റിപ്പോർട്ടിൽ വ്യക്തമാക്കി. കുറച്ച് വർഷങ്ങൾക്ക് മുൻപ് വരെ മാരുതിക്ക് 50 ശതമാനത്തിനു മുകളിൽ വിപണി വിഹിതം ഉണ്ടായിരുന്നു.

എന്നാൽ ടാറ്റ മോട്ടോർസ്, മഹീന്ദ്ര ആൻഡ് മഹീന്ദ്ര, കിയ ഇന്ത്യ തുടങ്ങിയ കമ്പനികൾ കഴിഞ്ഞ സാമ്പത്തിക വർഷത്തെ റീട്ടെയിൽ വിൽപ്പനയെ അടിസ്ഥാനമാക്കി വിപണിവിഹിതത്തിൽ വർദ്ധനവ് രേഖപ്പെടുത്തുകയാണ് ചെയ്തത്. ഹ്യുണ്ടായ് മോട്ടോർസിലും കഴിഞ്ഞ സാമ്പത്തിക വർഷം 5,25,088 യൂണിറ്റുകളുടെ വർധനയുണ്ടായെങ്കിലും വിപണി വിഹിതം 14.51 ശതമാനമായി കുറഞ്ഞു. ഫാഡയുടെ കണക്കുകൾ പ്രകാരം 2022 സാമ്പത്തിക വർഷത്തിൽ വിപണിയിൽ 4,79,027 യൂണിറ്റുകൾ ആണ് വിറ്റുപോയത്. ഈ സമയത്ത് ഹ്യുണ്ടായ്‌യുടെ വിപണി വിഹിതം 16.28 ശതമാനമായിരുന്നു.

മറുവശത്ത്, ടാറ്റ മോട്ടോർസിന്റെ വിപണി വിഹിതം 2021-22 സാമ്പത്തിക വർഷത്തിലെ 11.27 ശതമാനത്തിൽ നിന്ന് 2023 സാമ്പത്തിക വർഷത്തിൽ 13.39 ശതമാനമായി ഉയർന്നു. 2021-22 സാമ്പത്തിക വർഷത്തിലെ 3,31,637 യൂണിറ്റുകളിൽ നിന്ന് കഴിഞ്ഞ സാമ്പത്തിക വർഷം 4,84,843 പാസഞ്ചർ വാഹനങ്ങൾ റീട്ടെയിൽ ചെയ്യാൻ സാധിച്ചു. മഹീന്ദ്ര ആൻഡ് മഹീന്ദ്ര കഴിഞ്ഞ സാമ്പത്തിക വർഷം 3,23,691 പാസഞ്ചർ വാഹനങ്ങൾ വിറ്റഴിച്ച് 8.94 ശതമാനം വിപണിവിഹിതം നേടി. എന്നാൽ 2022 സാമ്പത്തിക വർഷത്തിൽ 1,99,125 യൂണിറ്റുകൾ റീട്ടെയിൽ ചെയ്ത് 6.77 ശതമാനം വിപണിവിഹിതം ആയിരുന്നു രേഖപ്പെടുത്തിയത്.

കിയ ഇന്ത്യയുടെ വിപണിവിഹിതം 2021-22 ലെ 5.3 ശതമാനത്തിൽ നിന്ന് 2023ലെ സാമ്പത്തിക വർഷത്തിൽ എത്തിയപ്പോൾ 6.42 ശതമാനമായി ഉയർന്നു. ഇതിന്റെ റീട്ടെയിൽ വിൽപ്പന കഴിഞ്ഞ സാമ്പത്തിക വർഷം 1,56,021 യൂണിറ്റിൽ നിന്ന് 2,32,570 യൂണിറ്റായാണ് ഉയർന്നത്. ടൊയോട്ട കിർലോസ്‌കർ മോട്ടോർ, സ്‌കോഡ ഓട്ടോ ഫോക്‌സ്‌വാഗൺ ഗ്രൂപ്പ് എന്നിവയും 2023 സാമ്പത്തിക വർഷത്തിൽ വിപണിവിഹിതത്തിൽ ഉയർച്ച രേഖപ്പെടുത്തി. രാജ്യത്തുടനീളമുള്ള 1,435 ആർടിഒമാരിൽ നിന്ന് 1,349 വാഹനങ്ങളുടെ രജിസ്ട്രേഷൻ വിവരങ്ങൾ ശേഖരിച്ചതായി ഫാഡ അറിയിച്ചു.

Latest Stories

IND VS ENG: അവൻ മികച്ച പ്രകടനം നടത്തി, എന്നാൽ അടുത്ത മത്സരത്തിൽ കളിപ്പിക്കരുത്: സ്റ്റുവര്‍ട്ട് ബ്രോഡ്

വെടിനിര്‍ത്തലിന് ഒരു ലോക നേതാവും ഇടപെട്ടിട്ടില്ല, കേണപേക്ഷിച്ചത് പാകിസ്ഥാനെന്ന് മോദി, കോണ്‍ഗ്രസിന് രൂക്ഷ വിമർശനം

'ജനങ്ങളുടെ തിയറ്റർ' പ്രഖ്യാപിച്ച് ആമിർ ഖാൻ; ടിക്കറ്റ് ഒന്നിന് മുടക്കേണ്ടത്, ആദ്യ റിലീസ് 'സിതാരെ സമീൻ പർ

Asia Cup 2025: 'അവൻ ഇന്ത്യൻ ടീമിൽ കാണില്ല'; വിലയിരുത്തലുമായി ആകാശ് ചോപ്ര

'ഗർഭപാത്രത്തിലല്ല മുപ്പതുകാരിയുടെ കരളിനുള്ളിൽ കണ്ടെത്തിയത് മൂന്നുമാസം പ്രായമുള്ള ഭ്രൂണം'; അപൂർവങ്ങളിൽ അപൂർവമായ അവസ്ഥ ഇന്ത്യയിൽ ആദ്യം

ഛത്തീസ്ഗഡില്‍ അറസ്റ്റിലായ മലയാളി കന്യാസ്ത്രീകളുടെ ജാമ്യാപേക്ഷ വിചാരണ കോടതി തള്ളി; മോചനം വൈകുന്നതില്‍ പ്രതിഷേധം വ്യാപകം; പ്രതിപക്ഷ എംപിമാരുടെ സംഘം ജയില്‍ സന്ദര്‍ശിച്ചു

കയ്യേറ്റഭൂമിയിൽ റിസോര്‍ട്ട് നിര്‍മാണം; മാത്യു കുഴൽനാടനെതിരെ ഇഡി അന്വേഷണം, ഉടൻ ചോദ്യം ചെയ്യും

IND vs ENG: "ഞങ്ങൾ എന്തുചെയ്യണം എന്ന് നിങ്ങൾ പറഞ്ഞുതരേണ്ടതില്ല"; ഓവൽ പിച്ചിന്റെ ക്യൂറേറ്ററുമായി കൊമ്പുകോർത്ത് ഗംഭീർ, പിടിച്ചുമാറ്റി ബാറ്റിംഗ് പരിശീലകൻ- വീഡിയോ വൈറൽ

'പ്രതിപക്ഷ നേതാവിനെ രാഷ്ട്രീയ വനവാസത്തിന് വിടില്ല'; വെള്ളാപ്പള്ളി നടേശന്റെ വെല്ലുവിളിയിൽ വി ഡി സതീശന് പിന്തുണയുമായി യുഡിഎഫ് നേതാക്കൾ

IND vs ENG: “ഇത് ഏറ്റവും മികച്ചവരുടെ അതിജീവനമായിരിക്കും”; അഞ്ചാം ടെസ്റ്റിന് മുമ്പ് ഇം​ഗ്ലണ്ടിന് മുന്നറിയിപ്പുമായി ആഷസ് ഹീറോ