വ്യായാമത്തിലൂടെയും ആഹാരം ക്രമീകരിക്കുന്നതിലൂടെയും ശരീരഭാരം കുറയ്ക്കാന് കഷ്ടപ്പെടുന്നവര്ക്കിടയിലാണ് നമ്മള് ഇന്ന് ജീവിക്കുന്നത്. ജിമ്മില് പോയി മണിക്കൂറുകള് വര്ക്കൗട്ട് ചെയ്തിട്ടും കഠിനമായ ഡയറ്റുകള് പിന്തുടര്ന്നിട്ടും വിചാരിച്ചത്ര വണ്ണം കുറയുന്നില്ല എന്ന പരാതി മാത്രമാണ് ബാക്കി. അങ്ങനെയുള്ളവര്ക്ക് പരീക്ഷിക്കാവുന്ന ചില മികച്ച സപ്ലിമെന്റുകള് ഇതാ. വ്യായാമത്തിന്റെയും ഡയറ്റിങ്ങിന്റെയും കൂടെ കഴിക്കാവുന്ന പാര്ശ്വഫലങ്ങള് കുറഞ്ഞ സപ്ലിമെന്റുകളാണിത്.
പ്രോബയോട്ടിക്സ്
ലാക്ടോബാസിലി, ബിഫിഡോബാക്ടീരിയ സ്ട്രെയിനുകള് എന്നിവ ഉള്പ്പെടുത്തുന്നത് ശരീരത്തിന് കൊഴുപ്പ് ഉപാപചയമാക്കാന് കഴിയുന്ന തരത്തില് ശരീരഭാരം കുറയ്ക്കാന് സഹായിക്കുമെന്ന് ഗവേഷണങ്ങള് തെളിയിച്ചിട്ടുണ്ട്. ശരീരത്തില് അടിഞ്ഞുകൂടിയിരിക്കുന്ന അനാവശ്യ കൊഴുപ്പ് പുറന്തള്ളാന് പ്രോബയോട്ടിക്സ് സഹായകരമാണ്. പ്രോബയോട്ടിക്സ് കുടല് സൂക്ഷ്മാണുക്കളെ പുനഃസന്തുലിതമാക്കാന് സഹായിക്കുന്നതിനാല്, ദഹനനാളത്തിലെ വീക്കം സന്തുലിതമാക്കാനും ശരീരഭാരം കുറയ്ക്കാനുള്ള ശ്രമങ്ങള് കൂടുതല് ഫലപ്രദമാക്കാനും സഹായിക്കുന്നു. ഇവ കുടലിന്റെ ആരോഗ്യം മെച്ചപ്പെടുത്തുന്നതിലൂടെ ശരീരഭാരം കുറയ്ക്കാന് സഹായിക്കും.
ബോവിന് കൊളസ്ട്രം
സ്ഥിരമായി ഭാരവും തടിയും കുറയാന് നിങ്ങള് ആഗ്രഹിക്കുന്നുവെങ്കില്, നിങ്ങളുടെ പതിവ് ദിനചര്യയില് ചില ബോവിന് കൊളസ്ട്രം സപ്ലിമെന്റുകള് ചേര്ക്കുന്നത് നല്ലതായിരിക്കും.കൊളസ്ട്രം ആന്റിബോഡികളും പോഷണവും പ്രദാനം ചെയ്യുന്നു. ഇത് രോഗപ്രതിരോധ സംവിധാനങ്ങളെ ശക്തിപ്പെടുത്തുന്നതിന് സഹായിക്കുന്നു. ഉയര്ന്ന നിലവാരമുള്ള പ്രോട്ടീന്, ആന്റി ബാക്ടീരിയല് വസ്തുക്കള്, വളര്ച്ചാ ഘടകങ്ങള്, ബയോ ആക്റ്റീവ് ഘടകങ്ങള് എന്നിവയാല് സമ്പന്നമാണിത്.സാധാരണ പശുവിന് പാലിലെ അളവിനേക്കാള് 100 മടങ്ങ് കൂടുതലാണ് ബോവിന് കൊളസ്ട്രത്തിലെ ആന്റിബോഡിയുടെ അളവ്.
അശ്വഗന്ധ
നമ്മുടെ ശരീരത്തില് കൊഴുപ്പ് സംഭരിക്കപ്പെടുന്നത് ഭക്ഷണത്തിലൂടെ മാത്രമല്ല സ്ട്രെസ് ലവലിന്റെ അടിസ്ഥാനത്തിലുമാണ്.ഒരു പഠനം കാണിക്കുന്നത് വിട്ടുമാറാത്ത സമ്മര്ദ്ദം അനുഭവിക്കുന്ന മുതിര്ന്നവര്ക്ക്, അശ്വഗന്ധ കഴിക്കുന്നത് ഭക്ഷണത്തോടുള്ള ആസക്തിയിലും ശരീരഭാരം നിയന്ത്രിക്കുന്നതിലും ഒരു നല്ല പങ്ക് വഹിക്കുന്നുണ്ടെന്നാണ്. ഉറക്കക്കുറവ്, ഉത്കണ്ഠ, വിഷാദം, ലൈംഗികപ്രശ്നങ്ങള്, ബലഹീനത, ന്യൂറോജെനറേറ്റീവ് രോഗം, സന്ധിവാതം എന്നിവയുള്പ്പെടെ നിരവധി പ്രശ്നങ്ങള് കൈകാര്യം ചെയ്യാന് ഇത് സഹായിക്കുന്നു. ശരീരഭാരം കുറയ്ക്കാനും മൊത്തത്തിലുള്ള ക്ഷേമത്തിനും അത്യന്താപേക്ഷിതമായ ആന്റിഓക്സിഡന്റുകളാല് നിറഞ്ഞതാണ് അശ്വഗന്ധ. ഈ ആന്റിഓക്സിഡന്റുകള് നിങ്ങളുടെ മെറ്റബോളിസത്തെ ത്വരിതപ്പെടുത്തുകയും വീക്കം കുറയ്ക്കുകയും അങ്ങനെ നിങ്ങളുടെ ശരീരത്തില് സംഭരിച്ചിരിക്കുന്ന കൊഴുപ്പ് കത്തിക്കാന് സഹായിക്കുകയും ചെയ്യുന്നു.
ഗ്രീന് ടി
നിങ്ങളുടെ സപ്ലിമെന്റ് ദിനചര്യയില് അല്പം ഗ്രീന് ടീ ടാബ് ലറ്റുകള് കഴിക്കുന്നത് കാലക്രമേണ നിങ്ങളുടെ ശരീരത്തിലെ കൊഴുപ്പിന്റെ അളവ് ഗണ്യമായി കുറയ്ക്കുമെന്ന് തെളിയിക്കപ്പെട്ടിട്ടുള്ളതാണ്. ഗ്രീന് ടീയില് സ്വാഭാവികമായി കാണപ്പെടുന്ന സസ്യ സംയുക്തങ്ങള് കൊഴുപ്പ് കുറയ്ക്കുന്നതിന് ഈ സപ്ലിമെന്റിനെ അനുയോജ്യമാക്കുന്നു. ഈ സംയുക്തങ്ങള് കാറ്റെച്ചിന്സ് എന്നറിയപ്പെടുന്നു, ശരീരത്തിലെ വീക്കം കുറയ്ക്കാന് ആന്റിഓക്സിഡന്റുകളായി പ്രവര്ത്തിക്കുന്നതിലൂടെ ഇത് ശരീരഭാരം കുറയ്ക്കാന് ഇടയാക്കും.