ജാവലിന് ത്രോയില് ഇന്ത്യയുടെ ഒളിമ്പിക് സ്വര്ണ മെഡല് ജേതാവ് നീരജ് ചോപ്ര ലോക അത്ലറ്റിക്സ് ചാമ്പ്യന്ഷിപ്പിന്റെ ഫൈനലില്. വെള്ളിയാഴ്ച നടന്ന യോഗ്യതാ റൗണ്ട് ഗ്രൂപ്പ് എയില് 88.39 മീറ്റര് എറിഞ്ഞാണ് നീരജ് ഫൈനലിന് യോഗ്യത നേടിയത്.
ആദ്യ ശ്രമത്തില് തന്നെ യോഗ്യതാ മാര്ക്കായ 83.50 മീറ്റര് നീരജ് മറികടന്നു. 89.94 മീറ്ററുമായി സീസണിലെ പ്രകടനങ്ങളില് മൂന്നാംസ്ഥാനത്താണ് നീരജ്. 93.07 മീറ്റര് എറിഞ്ഞ ഗ്രാനഡയുടെ ആന്ഡേഴ്സന് പീറ്റേഴ്സ് മുന്നില് നില്ക്കുന്നു. ഞായറാഴ്ച പുലര്ച്ചെയാണ് ഫൈനല്.
കഴിഞ്ഞവര്ഷം ടോക്യോയില് 87.58 മീറ്റര് എറിഞ്ഞ് സ്വര്ണം നേടിയ നീരജ് ചോപ്ര ഒളിമ്പിക്സിലെ അത്ലറ്റിക്സില് ഇന്ത്യക്കാരന്റെ ആദ്യ മെഡല് സ്വന്തമാക്കിയിരുന്നു.