ഐ എസ് എല് ഒന്നാം സെമിയിലെ ആദ്യ പാദത്തില് മുംബൈ സിറ്റി എഫ് സിക്കെതിരെ ബെംഗളൂരു എഫ് സി ജയം സ്വന്തമാക്കിയിരുന്നു. എതിരില്ലാത്ത ഒരു ഗോളിനാണ് ബെംഗളൂരു മത്സരം സ്വന്തമാക്കിയത്. 78-ാം മിനുട്ടില് സുനില് ഛേത്രിയാണ് ബെംഗളൂരുവിനായി സ്കോര് ചെയ്തത്.
ഇതോടെ ഐ എസ് എല് ഫൈനലിലേക്ക് ബെംഗളൂരു എഫ് സി ഒരു ചുവട് കൂടി അടുത്തു. ഈ സീസണിൽ ഇത് രണ്ടാം തവണയാണ് മുംബൈ ബാംഗ്ലൂരിന് മുന്നിൽ കീഴടങ്ങുന്നത്. വിന്നേഴ്സ് ഷിൽഡ് ജേതാക്കളായ മുംബൈ തുടർച്ചയായ ജയങ്ങൾ നേടിയുള്ള യാത്ര അവസാനിപ്പിച്ച് അവസാന മത്സരങ്ങൾ പലതിലും തോൽവിയെറ്റ് വാങ്ങുക ആയിരുന്നു.
ഇന്നലെ നടന്ന ആദ്യ ലെഗ് പോരാട്ടത്തിൽ നേടിയ ജയം ബാംഗ്ലൂരിന് രണ്ടാം പാദത്തിലേക്ക് ഇറങ്ങുമ്പോൾ വലിയ ആത്മവിശ്വാസം നൽകുമെന്ന കാര്യത്തിൽ തർക്കമില്ല. മത്സരശേഷം പ്രതികരിച്ച ബാംഗ്ലൂർ പരിശീലകൻ സൈമൺ ഗ്രേയ്സൺ കേരള ബ്ലാസ്റ്റേഴ്സുമായി നടക്കാനിരിക്കുന്ന സൂപ്പർ കപ്പ് മത്സരത്തെക്കുറിച്ച് പറഞ്ഞത് ഇങ്ങനെ.
“കേരളവുമായിട്ടാണ് മത്സരം എന്നറിഞ്ഞപ്പോൾ ചിരിയാണ് ആദ്യം വന്നത്. ഞങ്ങളുടെ ക്യാമ്പ് മുഴുവൻ ഈ വാർത്ത കേട്ട് ചിരിച്ചു.” സൈമൺ പറഞ്ഞു.
“ചിരിച്ചോ ചിരിച്ചോ കേരളത്തിന്റെ ഗ്രൗണ്ടിൽ വന്നിട്ട് കളിച്ചിട്ട് പോകുമ്പോൾ കരയും” എന്നതുൾപ്പടെ നിരവധി മന്റുകളാണ് ഈ വീഡിയോയുടെ താഴെ പ്രത്യക്ഷപ്പെടുന്നത്.