ഇന്ത്യന്‍ ക്രിക്കറ്റിലെ കരുത്തനായ ക്രിക്കറ്റ് താരം ആരെന്ന് വെളിപ്പെടുത്തി രോഹിത്ത ശര്‍മ്മ. ഇരട്ട സെഞ്ച്വറി നേടിയ ശേഷം ബിസിസിഐ ടിവിയ്ക്കായി രവി ശാസ്ത്രിയുമായി നടത്തിയ അഭിമുഖത്തിലാണ് രോഹിത്ത് ഇക്കാര്യം പറയുന്നത്. സിക്സ് അടിക്കുന്നതില്‍ മഹേന്ദ്ര സിംഗ് ധോണിയാണ് തന്നേക്കാള്‍ കരുത്തനെന്നാണ് രോഹിത്ത് ശര്‍മ്മ തുറന്ന് പറയുന്നത്.
ഇന്ത്യയിലെ ഏറ്റവും വലിയ കളിക്കളമാണ് മൊഹാലിയിലേതെന്നും പിന്നെയെങ്ങനെയാണ് ഇത്രയധികം സിക്‌സുകള്‍ നേടിയതെന്നുമാണ് രോഹിത്തിനോട് ശാസ്ത്രി ചോദിച്ചത്. അത് രോഹിത്തിന്റെ മറുപടി ഇപ്രകാരമായിരുന്നു.
അതിന് ട്രെയിനര്‍ ബസുവിനോടാണ് നന്ദി പറയേണ്ടത്. പന്ത് വരുമ്പോള്‍ അത് കൃത്യസമയത്ത് അടിക്കുന്നതാണ് എന്റെ പ്ലസ് പോയിന്റ്. ഈ ടൈമിങ്ങാണ് എന്നെ സിക്സ് അടിക്കാന്‍ സഹായിക്കുന്നതും. ഗെയ്ലിനെപ്പോലെയോ എം.എസ് ധോനിയെപ്പോലെയോ സിക്സ് അടിക്കാന്‍ എനിക്കു കഴിയില്ല. എനിക്ക് അതിന് മാത്രം ശക്തിയില്ല. എന്നാല്‍ ടൈമിങ് ഉണ്ട്” രോഹിത്ത് പറഞ്ഞു.
ശ്രീലങ്കയ്‌ക്കെതിരെ രണ്ടാം ഏകദിനത്തില്‍ രോഹിത്ത് പുറത്താകാതെ 208 റണ്‍സ് എടുത്തിരുന്നു. 153 പന്തിലായിരുന്നു രോഹിത്ത് തന്റെ മൂന്നാം ഡബിള്‍ സെഞ്ച്വറി പൂര്‍ത്തിയാക്കിയത്. മത്സരം ഇന്ത്യ 141 റണ്‍സാണ് ജയിച്ചത്.