സൗദിയിലെ പച്ചപ്പ് ആസ്വദിക്കാൻ കുടുംബത്തോടൊപ്പം മെസിയെത്തി. സൗദി ടൂറിസം അംബാസിഡർ എന്ന നിലയിലാണ് മെസിയുടെ സന്ദർശനം.ഭാര്യ ആന്ർറൊണലോ റൊക്കൂസോയും മക്കളായ തിയാഗോക്കും,മാറ്റിയോക്കും സിറോക്കുമൊപ്പം സകുടുംബം മെസിയെത്തിയത്.സൗദിയിൽ ഇത്രയധികം പച്ചപ്പുണ്ടെന്ന് ആരാണ് കരുതിയത് എന്ന ചോദ്യവുമായി സൗദിയിലെ ഈന്തപ്പനത്തോട്ടത്തിന്റെ ചിത്രം ഇൻസ്റ്റഗ്രാം പേജിൽ കഴിഞ്ഞ ദിവസം പോസ്റ്റ് ചെയ്തിരുന്നു.
ഇതിന് പിന്നാലെയാണ് ഫുട്ബോളിന്ർറെ മിശിഹയുടെ സൗദി സന്ദശനം. സൗദി ടൂറിസം അതോറിറ്റി 2022 മേയിൽ മെസിയെ ടൂറിസം ഔദ്യോഗിക ബ്രാൻസ് അംബാസിഡറായി പ്രഖ്യാപിച്ചിരുന്നു. ഇതിന് ശേഷം മെസിയുടെ രണ്ടാമത്തെ സൗദി സന്ദർശനമാണിത്.
മെസി പോസ്റ്റ് ചെയ്ത ചിത്രത്തിന് താഴെ സൗദി സ്വദേശികളായ മെസി ആരാധകർ തങ്ങളുടെ നാട്ടിലേക്ക് മെസിയെ സ്വാഗതം ചെയ്തും മെസിക്കും കുടുംബത്തിനും ആശംസകൾ അറിയിച്ചും കമന്റുകളുമായി രംഗത്തെത്തിയിരുന്നു. ക്രിസ്റ്റ്യാനോ റൊണാൾഡോക്ക് പിന്നാലെ മെസിയും സൗദി ക്ലബ്ബിലേക്ക് എത്തിയേക്കുമെന്ന ്അഭ്യൂഹങ്ങൾ ഉണ്ടായിരുന്നു.