മുന്‍ ലോക ഫുട്‌ബോളറും ബാഴ്സലോണയുടെ ബ്രസീലിയന്‍ ഇതിഹാസവുമായ റൊണാള്‍ഡിഞ്ഞോ ഇന്ത്യയിലേക്ക്. ബാഴ്സലോണ ലെജന്‍ഡ്സും യുവന്റസ് ലെജന്‍ഡ്സും തമ്മില്‍ ഫെബ്രുവരി 17ന് മുംബൈയിലെ അന്ധേരി ഫുട്ബോള് അരീനയില്‍ നടക്കുന്ന പ്രദര്‍ശന ഫുട്ബോള് മത്സരത്തിലാണ് താരം പങ്കെടുക്കുക. അതിനായി അടുത്തയാഴ്ച താരം ഇന്ത്യയില്‍ എത്തുമെന്നാണ് റിപ്പോര്‍ട്ട്.
അദ്ദേഹത്തെ കൂടാതെ ഇതിഹാസ താരങ്ങളായ എഡഗര്‍ ഡേവിസ്, എറിക്ക് അബിദാല്‍, പാട്രിക്ക് ക്ലൈവര്‍ട്ട് എന്നിവര്‍ ബാഴ്സലോണ കൂപ്പായത്തില്‍ കളത്തിലിറങ്ങും. അതേസമയം ഡേവിഡ് ട്രെസഗെ, പാവേല്‍ നെദ്വെദ് തുടങ്ങിയ സൂപ്പര്‍താരങ്ങള്‍ യുവന്റസിനുമായി കളിക്കിറങ്ങും, ബാഴ്സലോണയുടെ പ്രചരണത്തിനും മുന്‍ താരങ്ങള്‍ക്കുള്ള ആദരവുമായാണ് സംഘാടകര്‍ മത്സരം സംഘടിപ്പിക്കുന്നത്.
ഐഎസ്എല്ലില്‍ കളിച്ച ഡെല്‍പിയറോ, ഡേവിഡ് ട്രെസഗെ തുടങ്ങിയ താരങ്ങളും യുവന്റസിനുമായി ബൂട്ടണിയും. ഇന്ത്യയില്‍ ആദ്യമായി കളിക്കാനെത്തുന്ന യുവന്റസ് ടീം ഫെബ്രുവരി 14ന് മുംബൈയിലെത്തും. നേരത്തെ മാഞ്ചസ്റ്റര്‍ യുണൈറ്റഡ് ലെജന്‍ഡ്സുമായും മൊസാംബിക്ക് ലെജന്‍ഡ്സുമായും ബാഴ്സലോണ പ്രദര്‍ശന മത്സരം കളിച്ചിരുന്നു. അന്നേദിവസം വൈകിട്ട് ഏഴ് മണിക്കാണ് കഴി നടക്കുക. ഇതിന്റെ സംപ്രേക്ഷണം ബാഴ്സ ടിവിയും ബാഴ്സലോണയുടെ ഔദ്യോഗിക യുടൂബ് ചാനലുമായിരിക്കും നടത്തുക