ഇപ്പോൾ നടക്കുന്ന ചാമ്പ്യൻസ് ലീഗ് ടൂർണമെന്റിൽ മോശമായ പ്രകടനമാണ് പിഎസ്ജി നടത്തുന്നത്. സൂപ്പർ താരങ്ങളായ ലയണൽ മെസി, നെയ്മർ, എംബപ്പേ എന്നിവരുടെ വിടവ് ടീമിനെ നന്നായി ബാധിച്ചിട്ടുണ്ട്. കഴിഞ്ഞ മത്സരത്തിൽ ആഴ്സണലിനോട് എതിരില്ലാത്ത രണ്ട് ഗോളുകൾക്ക് അവർ തോൽവി ഏറ്റ് വാങ്ങിയിരുന്നു. എന്നാൽ മത്സരത്തിനുള്ള സ്ക്വാഡിൽ ഫ്രഞ്ച് സൂപ്പർ താരമായ ഡെമ്പലെ ഉണ്ടായിരുന്നില്ല. അച്ചടക്കനടപടിയെ തുടർന്ന് അദ്ദേഹത്തെ പുറത്താക്കുകയായിരുന്നു. റെന്നസിനെതിരെയുള്ള മത്സരത്തിനു ശേഷം കോച്ചും ഡെമ്പലെയും തമ്മിൽ വാക്ക് തർക്കം ഉണ്ടായിരുന്നു.
അത് കൂടാതെ തൊട്ടടുത്ത ദിവസം ട്രെയിനിങ്ങിന് ഡെമ്പലെ വൈകി കൊണ്ടാണ് എത്തിയത്. അത് കൊണ്ടാണ് പരിശീലകൻ അദ്ദേഹത്തെ പുറത്താക്കിയത്. ഇന്ന് ലീഗിൽ പിഎസ്ജി കളിക്കുന്നുണ്ട്. കരുത്തരായ നീസാണ് എതിരാളികൾ. ഈ മത്സരത്തിനുള്ള സ്ക്വാഡിലെക്ക് ഡെമ്പലെ തിരിച്ചെത്തിയിട്ടുണ്ട്. ഇതേക്കുറിച്ച് ചില കാര്യങ്ങൾ പരിശീലകൻ സംസാരിക്കുകയും ചെയ്തു.
ലൂയിസ് എൻറിക്കെ പറയുന്നത് ഇങ്ങനെ:
” ഞാൻ നേരത്തെ പറഞ്ഞത് തന്നെയാണ് ഇപ്പോഴും പറയാനുള്ളത്. ക്ലബ്ബിന്റെ നിയമങ്ങൾ അനുസരിച്ചില്ലെങ്കിൽ ആ താരം കളിക്കാൻ തയ്യാറല്ല എന്നാണ് അതിനർത്ഥം. അതേസമയം അനുസരിക്കുകയാണെങ്കിൽ അദ്ദേഹം കളിക്കാൻ റെഡിയായി എന്നാണ് അർത്ഥം. എല്ലാ താരങ്ങൾക്കും ഇത് ബാധകമാണ്. കലിപ്പാവേണ്ട സമയത്ത് ഞാൻ കലിപ്പാവുക തന്നെ ചെയ്യും. ഒരു പരിശീലകൻ എന്ന നിലയിലും ഒരു വ്യക്തി എന്ന നിലയിലും എന്റെ കൈവശമുള്ള ഏറ്റവും വലിയ കപ്പാസിറ്റിയും അത് തന്നെയാണ് “ ലൂയിസ് എൻറിക്കെ പറഞ്ഞു.
പ്രശ്നങ്ങൾ എല്ലാം ഒത്ത് തീർപ്പായി അദ്ദേഹം ഇപ്പോൾ ടീമിലേക്ക് മടങ്ങി എത്തിയിട്ടുണ്ട്. മികച്ച പ്രകടനം പുറത്തെടുക്കാൻ ഡെമ്പലെക്ക് ഈ സീസണിൽ സാധിക്കുന്നുണ്ട്. 4 ഗോളുകളും 4 അസിസ്റ്റുകളും അദ്ദേഹം ഇതിനോടകം സ്വന്തമാക്കിയിട്ടുണ്ട്.