ലാലിഗയിൽ ഏറ്റവും മോശമായ പ്രകടനം നടത്തുന്ന ടീം ആണ് ഇപ്പോൾ റയൽ മാഡ്രിഡ്. ഇന്നലെ ലീഗിൽ നടന്ന മത്സരത്തിൽ ഞെട്ടിക്കുന്ന ഒരു തോൽവി ഏറ്റുവാങ്ങിയിരുന്നു. ഒന്നിനെതിരെ മൂന്ന് ഗോളുകൾക്കായിരുന്നു എസി മിലാൻ റയൽ മാഡ്രിഡിനെ പരാജയപ്പെടുത്തിയത്. മത്സരത്തിന്റെ തുടക്കത്തിൽ ഫെഡേ വാൽവെർദേ സ്റ്റാർട്ട് ചെയ്തിരുന്നു. എന്നാൽ അതിന് ശേഷം പരിശീലകനായ കാർലോ അഞ്ചലോട്ടി അദ്ദേഹത്തെ പിൻവലിച്ചു.
ഫെഡേ വാൽവെർദേയെ തിരികെ വിളിച്ചതിൽ വൻതോതിലുള്ള വിമർശനവുമായി അദ്ദേഹത്തിന്റെ ഭാര്യ രംഗത്ത് എത്തിയിരുന്നു. എക്സ് അക്കൗണ്ടിലൂടെ ഇവർ ഇതിനെതിരെ രംഗത്ത് എത്തിയിരുന്നത്. ആഞ്ചലോട്ടി ഫെഡയെ ഒരു വിങറായി കൊണ്ടാണ് ഉപയോഗപ്പെടുത്തുന്നതെന്നും ഇത് ശരിയല്ല എന്നുമാണ് അവർ പറയുന്നത്. ഇതിനെ കുറിച്ച് കാർലോ അഞ്ചലോട്ടിയോട് മാധ്യമ പ്രവർത്തകർ ചോദിച്ചിരുന്നു.
കാർലോ അഞ്ചലോട്ടി പറയുന്നത് ഇങ്ങനെ:
” സോഷ്യൽ മീഡിയയിൽ ആളുകൾ എഴുതുന്ന കാര്യങ്ങളോട് പ്രതികരിക്കുക എന്നുള്ളത് ബുദ്ധിമുട്ടുള്ള കാര്യമാണ്. ഞാൻ വാൽവെർദേയെ പിൻവലിച്ചത് അദ്ദേഹം 100% ഓക്കേ അല്ലാത്തതുകൊണ്ടാണ് ” കാർലോ അഞ്ചലോട്ടി പറഞ്ഞു.
ലോകത്തിലെ ഏറ്റവും മികച്ച ക്ലബ് ടീം എന്ന വിശേഷണം കിട്ടിയിട്ടും ഇപ്പോൾ ഏത് ചെറിയ ടീമിന് വേണമെങ്കിൽ വന്നു തോൽപ്പിച്ചിട്ട് പോകാം എന്ന അവസ്ഥയിലായി കാര്യങ്ങൾ. വിവിധ രാജ്യങ്ങളിലെ ഏറ്റവും മികച്ച താരങ്ങളായ ജൂഡ് ബെല്ലിങ്‌ഹാം, വിനീഷ്യസ് ജൂനിയർ, കിലിയൻ എംബപ്പേ, എൻഡ്രിക്ക് എന്നിവർ ഉണ്ടായിട്ടും ടീമിന് മികച്ച പ്രകടനം പുറത്തെടുക്കാൻ സാധിക്കുന്നില്ല. ടീമിന്റെ തിരിച്ച് വരവിന് വേണ്ടിയുള്ള കാത്തിരിപ്പിലാണ് ഫുട്ബോൾ ആരാധകർ.
