യൂറോ കപ്പിന്റെ ആദ്യ സെമി ഫൈനൽ മത്സരത്തിൽ ഫ്രാൻസിനെ തോൽപിച്ച് കരുത്തരായ സ്പെയിൻ ഫൈനലിലേക്ക് പ്രവേശിച്ചു. കളിയുടെ തുടക്കത്തിലേ 8 ആം മിനിറ്റിൽ എംബാപ്പയുടെ അസ്സിസ്റ്റിൽ കൊലോ മുവാനിയിലൂടെ ആയിരുന്നു ഫ്രാൻസ് ആദ്യം ലീഡ് ചെയ്യ്തത്. എന്നാൽ അധികം ആശ്വസിക്കാൻ അവർക്ക് ആയില്ല. ഒന്നാം പകുതിയുടെ ആദ്യ 25 മിനിറ്റുകൾ തീരുന്നതിനു മുൻപ് തന്നെ സ്പെയിൻ രണ്ട് ഗോളുകളും ഫ്രാൻസിന്റെ വലയിൽ കയറ്റിയിരുന്നു. സ്പെയിനിനു വേണ്ടി ലാമിന് യമാലും, ഡാനി ഓല്മോയും ആണ് ഗോളുകൾ നേടിയത്. മത്സര ശേഷം മാൻ ഓഫ് ദി മാച്ച് പുരസ്‌കാരം നേടിയത് 16 കാരനായ ലാമിന് യമാൽ ആണ്.
ലാമിന് യമാലിനെ പറ്റി ഫ്രാൻസ് പരിശീലകൻ ദിദിയർ ഡൈഷാംപ്സ് പറയുന്നത് ഇങ്ങനെ:
” യാമാലിന്റെ ഷോട്ട് ഗംഭീരമായിരുന്നു. പക്ഷെ ഭാഗ്യം ഉള്ളത് കൊണ്ട് മാത്രമാണ് അത് ഗോൾ ആയി മാറിയത്. എന്നിരുന്നാലും അദ്ദേഹത്തിൽ നിന്ന് ക്രെഡിറ്റ് തട്ടി തെറിപ്പിക്കാൻ ഞാൻ ഉദ്ദേശിക്കുന്നില്ല. ഞങ്ങൾ അദ്ദേഹത്തിന് കുറച്ചു മുൻപിലാണ് നിന്നിരുന്നത്. ബോക്സിനു വെളിയിൽ നിന്നും ഗോൾ കയറ്റാൻ പറ്റുന്ന മികച്ച കളിക്കാർ സ്പെയിനിനുണ്ട്. അവർക്ക് ഞങ്ങൾ കുറച്ച് അധികം ഫ്രീഡം കൊടുത്തു. അത് വിനയായി മാറി” ഇതാണ് ദിദിയർ ഡൈഷാംപ്സ് പറയുന്നത്.
തോൽവി ഏറ്റു വാങ്ങിയതോടെ ഫ്രാൻസ് യൂറോ കപ്പിൽ നിന്നും പുറത്താവുകയും ചെയ്യ്തു. മികച്ച താരങ്ങൾ ഉണ്ടായിട്ടും ഫ്രാൻസിന് ഇത്തവണ ഗംഭീര പ്രകടനം ഒന്നും തന്നെ കഴ്ച വെക്കാൻ സാധിച്ചിരുന്നില്ല. ലോകകപ് നേടിയിട്ടുണ്ടെങ്കിലും എംബാപ്പയ്ക്ക് ഇത് വരെ യൂറോ കപ്പ് നേടാൻ സാധിച്ചിട്ടില്ല. ടൂർണമെന്റിൽ ജൂലൈ 15 ആണ് സ്പെയിനും ഇംഗ്ലണ്ടും ഫൈനലിൽ നേർക്കുനേർ ഏറ്റുമുട്ടുന്നത്.
