ലോകത്തിലെ ഏറ്റവും മികച്ച ഗോൾ കീപ്പറാണ് അർജന്റീനൻ താരമായ എമിലിയാനോ മാർട്ടിനെസ്. ഫുട്ബോൾ ഇതിഹാസം ലയണൽ മെസിയുടെ സ്വപ്ന നേട്ടങ്ങളെ എല്ലാം സ്വന്തമാക്കാൻ സഹായിച്ച പ്രധാന താരങ്ങളിൽ ഒരാളാണ് എമി. സ്പാനിഷ് ക്ലബ്ബായ സെവിയ്യക്ക് വേണ്ടി ദീർഘകാലം കളിച്ചിട്ടുള്ള ഗോൾകീപ്പറാണ് മോഞ്ചി. നിലവിൽ അദ്ദേഹം ഇംഗ്ലീഷ് പ്രീമിയർ ലീഗ് ക്ലബ്ബായ ആസ്റ്റൻ വില്ലക്കൊപ്പമാണ് ഉള്ളത്. എമിയോടൊപ്പമാണ് അദ്ദേഹം ഇപ്പോൾ വർക്ക് ചെയ്യുന്നതും.
ആസ്റ്റൻ വിലയ്ക്ക് വേണ്ടി തകർപ്പൻ പ്രകടനമാണ് അദ്ദേഹം ഇപ്പോൾ നടത്തുന്നത്. താരത്തിന്റെ മികവിനെ കുറിച്ച് വാനോളം പുകഴ്ത്തി സംസാരിച്ചിരിക്കുകയാണ് മോഞ്ചി. എമി ലോകത്തിലെ ഏറ്റവും മികച്ച ഗോൾ കീപ്പർ ആണെന്നാണ് അദ്ദേഹം പറയുന്നത്.
മോഞ്ചി പറയുന്നത് ഇങ്ങനെ:
“ആസ്റ്റൻ വില്ല എന്ന ബ്രാൻഡിന്റെ പ്രധാനപ്പെട്ട ഭാഗമാണ് അദ്ദേഹം. ക്ലബ്ബിന്റെ വളർച്ചയെയാണ് ഇത് കാണിക്കുന്നത്.കാരണം ലോകത്തെ ഏറ്റവും മികച്ച ഗോൾകീപ്പറാണ് ഞങ്ങളുടെ കൂടെ ഉള്ളത്. അദ്ദേഹം വളരെയധികം ലോയലാണ്. എമി കേവലമൊരു ഗോൾകീപ്പർ മാത്രമല്ല. ഡ്രസ്സിംഗ് റൂമിന്റെയും ക്ലബ്ബിന്റെയും ആരാധകരുടെയും റഫറൻസാണ്. ഞങ്ങളുടെ നെടുംതൂണുകളിൽ ഒന്നാണ് അദ്ദേഹം. എല്ലാത്തിനും വേണ്ടിയും പോരടിക്കുക എന്നതാണ് അദ്ദേഹത്തിന്റെയും ഞങ്ങളുടെയും ലക്ഷ്യം”
മോഞ്ചി തുടർന്നു:
“എമി ഒരു റോൾ മോഡൽ ആണ്. ഞങ്ങളുടെ ക്യാപ്റ്റന്മാരിൽ ഒരാളാണ്. എല്ലാവർക്കും ഒരു ഉദാഹരണമാണ്. വേൾഡ് കപ്പും കോപ്പ അമേരിക്കയും അദ്ദേഹം നേടി. ലോകത്തെ ഏറ്റവും മികച്ച ഗോൾകീപ്പറായി മാറി. എന്നിരുന്നാലും ഓരോ ദിവസവും അദ്ദേഹം കൂടുതൽ മോട്ടിവേറ്റഡ് ആണ്. ഒരിക്കലും വിശ്രമിക്കാത്ത താരമാണ് എമി. കൂടുതൽ ഇമ്പ്രൂവ് ആവുക എന്നുള്ളതാണ് അദ്ദേഹത്തിന്റെ ലക്ഷ്യം. ടീമിനെ വളരാൻ അദ്ദേഹം പുഷ് ചെയ്യുന്നു. ആർക്ക് വേണമെങ്കിലും സമീപിക്കാവുന്ന ഒരു താരമാണ് അദ്ദേഹം. ചർച്ചകളിൽ പലപ്പോഴും പരിഹാരങ്ങൾ നൽകാൻ അദ്ദേഹത്തിന് കഴിയുന്നു “ മോഞ്ചി പറഞ്ഞു.