റയൽ മാഡ്രിഡിന് വേണ്ടി ഒരുപാട് ട്രോഫികൾ നേടിയിട്ടുള്ള താരങ്ങളാണ് ക്രിസ്റ്റ്യാനോ റൊണാൾഡോയും, ടോണി ക്രൂസും. 2018 ഇൽ ആയിരുന്നു റൊണാൾഡോ റയൽ മാഡ്രിഡിൽ നിന്നും പടിയിറങ്ങിയത്. എന്നാൽ ടോണി ക്രൂസ് ഈ വർഷത്തെ സീസൺ വരെ റയലിനൊപ്പം നിന്ന് ഒരുപാട് ട്രോഫികൾ നേടിയിരുന്നു. അതിന് ശേഷമാണ് അദ്ദേഹം തന്റെ വിരമിക്കൽ പ്രഖ്യാപിച്ചത്.
ഒരു അഭിമുഖത്തിൽ വെച്ച് ക്രിസ്റ്റ്യാനോ റൊണാൾഡോയെ കുറിച്ച് ഒരുപാട് കാര്യങ്ങൾ അദ്ദേഹം പറഞ്ഞിരുന്നു. അദ്ദേഹത്തിന്റെ ഹാർഡ് വർക്കിനെയും ഡെഡിക്കേഷനെ പറ്റിയും വാനോളം പുകഴ്ത്തിയിരിക്കുകയാണ് താരം.
ടോണി ക്രൂസ് പറയുന്നത് ഇങ്ങനെ:
” ഞാൻ പരിശീലനത്തിന് വേണ്ടി വരുന്ന സമയത്ത് ക്രിസ്റ്റ്യാനോ റൊണാൾഡോ അവിടെ ട്രെയിനിങ് നടത്തുന്നുണ്ടാകും. ഞാൻ ട്രെയിനിങ് അവസാനിപ്പിച്ച് പോകുന്ന സമയത്തും റൊണാൾഡോ ട്രെയിനിങ് തുടരുകയായിരിക്കും. നമ്മൾ എല്ലാവരും കിരീടങ്ങൾ നേടാനും ഗോളുകൾ നേടാനും ആഗ്രഹിക്കുന്നവരാണ്. പക്ഷേ റൊണാൾഡോയെ സംബന്ധിച്ചിടത്തോളം അതൊരു അഡിക്ഷനാണ്. ഗോളുകൾ നേടുക എന്നത് റൊണാൾഡോക്ക് പോസിറ്റീവ് ആയിട്ടുള്ള ഒരു അഡിക്ഷനാണ്. സൗദി അറേബ്യയിലും അത് തന്നെയാണ് അദ്ദേഹം ആഗ്രഹിക്കുന്നത് എന്ന് പറയാൻ എനിക്ക് ധൈര്യമുണ്ട് “ ടോണി ക്രൂസ് പറഞ്ഞു.
900 ഗോളുകൾ നേടുന്ന ആദ്യ ഫുട്ബോൾ താരം എന്ന റെക്കോഡ് സ്വന്തമാക്കാൻ റൊണാൾഡോയ്ക്ക് സാധിച്ചിരുന്നു. ഗംഭീര ഫോമിലാണ് അദ്ദേഹം ഇപ്പോൾ കളിക്കുന്നത്. ഈ സീസണിൽ നിന്ന് മാത്രമായി റൊണാൾഡോ 8 ഗോളുകളും രണ്ട് അസിസ്റ്റുകളും സ്വന്തമാക്കാൻ ക്രിസ്റ്റ്യാനോയ്ക്ക് സാധിച്ചിട്ടുണ്ട്.