മെക്സിക്കോയിൽ നിന്നുള്ള ലോക ചാമ്പ്യൻ ബോക്സറായ സൗലോ കനാലോ അൽവാരസ് ലയണൽ മെസ്സിക്കെതിരെ ഭീക്ഷണി സന്ദേശങ്ങളുടെ ഒരു പരമ്പര ട്വീറ്റ് ചെയ്തു. അർജന്റീനയുടെ ലോക്കർ റൂമിൽ വെച്ച് മെസ്സി ഒരു മെക്സിക്കൻ ജഴ്സിയെ അപമാനിക്കുന്ന രീതിയിൽ ചവിട്ടിയ വീഡിയോ കണ്ടിട്ടാണ് താരത്തിന്റെ പ്രതികരണം. സൂപ്പർ മിഡിൽ വെയ്റ്റ് വിഭാഗത്തിലെ (76 കിലോഗ്രാം) തർക്കമില്ലാത്ത ചാമ്പ്യനാണ് കനേലോ അൽവാരസ് (WBA, WBC, WBO, IBF). ഈ നിമിഷത്തിൽ ഏറ്റവും കൂടുതൽ വരുമാനം നേടിയ ബോക്സർ കൂടിയാണ് അദ്ദേഹം.
എന്താണ് സംഭവം?
അർജന്റീനയുടെ ലോക്കർ റൂമിലെ ആഘോഷങ്ങളുടെ ഒരു വിഡിയോയിൽ , ജേഴ്സി ഊറി ആഘോഷം നടത്തിയ മെസ്സിയുടെ തൊട്ടുമുന്നിൽ ഒരു മെക്സിക്കൻ ജേഴ്സി തറയിൽ ചുരുട്ടി വെച്ചിരിക്കുന്നുത് കാണാമായിരുന്നു. മെക്സിക്കൻ താരവുമായുള്ള മത്സരത്തിന് ശേഷം മെക്സിക്കൻ ജേഴ്സി കൈമാറ്റം ചെയ്തതാകാം. മെസ്സി തന്റെ ടീമംഗങ്ങൾക്കൊപ്പം ആടിയും പാടിയും ഇരിക്കുന്നത് വിഡിയോയിൽ കാണാം, അവൻ തന്റെ വലത് ബൂട്ട് മാറ്റാനുള്ള ശ്രമത്തിലാണ് ജേഴ്സി ചവിട്ടുന്ന വീഡിയോ കാണാനായത്.
കനാലോ അൽവാരസ് ട്വീറ്റ് ചെയ്തത് ഇങ്ങനെ
1) ” നമ്മുടെ ഷർട്ടും കൊടിയും കൊണ്ട് മെസ്സി തറ വൃത്തിയാക്കുന്നത് കണ്ടോ???? ” കനേലോ തന്റെ ആദ്യ ട്വീറ്റിൽ എഴുതി.
2) തുടർന്ന്, മുഷ്ടിയുടെയും കോപത്തിന്റെയും ഇമോജികളുടെ അകമ്പടിയോടെ അദ്ദേഹം ട്വീറ്റ് ചെയ്തു: ” അവൻ എന്റെ മുന്നിൽ വന്ന് പെടാതിരിക്കാൻ ദൈവത്തോട് അപേക്ഷിക്കട്ടെ.
മെസി അറിഞ്ഞ് കൊണ്ടാണോ ചവിട്ടി മാറ്റിയതെന്ന വ്യക്തമല്ല എന്തിരുന്നാലും വലിയ വിമർശനങ്ങളാണ് ഇതിനെതിരെ ഉയരുന്നത്.