ഫുട്ബോൾ ലോകകപ്പ് ആരംഭിക്കാൻ ഇനി മാസങ്ങൾ ബാക്കി നിൽക്കേ ബ്രസീൽ ടീമിൽ വൻ അഴിച്ചു പണി. ജൂൺ 11-ന് കാനഡ, മെക്സിക്കോ, അമേരിക്ക എന്നി രാജ്യങ്ങൾ സംയുക്തമായി ആതിഥേയത്വം വഹിക്കുന്ന ഫിഫ വേൾഡ് കപ്പിലേക്കുള്ള ബ്രസീൽ നിരയിൽ സൂപ്പർ താരം നെയ്മറില്ലെന്ന് റിപ്പോർട്ടുകൾ. പരിക്കിൽ നിന്ന് മുക്തനായെങ്കിലും പൂർണ്ണമായി കായികക്ഷമത വീണ്ടെടുക്കാത്തതിനാൽ താരത്തെ പുറത്തിരുത്താൻ പരിശീലകൻ തീരുമാനിച്ചു.
വ്യക്തിഗത മികവിനേക്കാൾ അൻസെലോട്ടി മുൻഗണന നൽകുന്നത് ടീം ഗെയിമിനായതിനാൽ ആ രീതി നെയ്മറിന് തിരിച്ചടിയാകും. പൂർണ്ണമായി കായികക്ഷമയുള്ളവർ മാത്രം ടീമിൽ മതിയെന്ന ഉറച്ച നിലപാടിലാണ് കോച്ച് കാർലോ അൻസലോട്ടിയും ബ്രസീൽ ഫുട്ബോൾ ഫെഡറേഷനും ഉള്ളത്. അതുകൊണ്ടുതന്നെ നെയ്മറിനെ ലോകകപ്പ് സ്വപ്നങ്ങൾക്ക് അത് വലിയ തിരിച്ചടിയാകും.
കഴിഞ്ഞ വർഷം ഉറുഗ്വേയ്ക്കെതിരായ മത്സരത്തിനിടെ പരിക്കേറ്റ ശേഷം നെയ്മറിന് തന്റെ ആ മഞ്ഞക്കുപ്പായത്തിൽ തിളങ്ങാനേ ആയിട്ടില്ല. നിലവിൽ സാന്റോസ് എഫ് സിയിൽ കളിക്കുന്ന താരത്തിന്റെ പ്രകടനം വീക്ഷിക്കുമ്പോഴും പരിക്കിൽ നിന്ന് പൂർണ്ണമായി മുക്തനാക്കപ്പെട്ടിട്ടില്ല എന്ന് തന്നെയാണ് മാനേജ്മെൻറ്റിന്റെ വിലയിരുത്തൽ.