ഏറെ നാളത്തെ ഇടവേളക്ക് ശേഷം റയൽ മാഡ്രിഡ് ആ ഭാരമിറക്കി വെച്ചു, അതും നല്ല സ്റ്റൈൽ ആയിട്ട് തന്നെ. എല്‍ ക്ലാസിക്കോയില്‍ കുറെ മത്സരങ്ങളുടെ ഇടവേളക്ക് ശേഷമാണ് ടീം ബാഴ്‌സലോണയെ തകര്‍ത്ത്. ആദ്യ പാദം തോറ്റതിന് ശേഷം രണ്ടാംപാദ സെമിയില്‍ എതിരില്ലാത്ത നാല് ഗോള്‍ ജയത്തോടെ റയല്‍, കോപ്പ ഡെല്‍ റേയുടെ ഫൈനലില്‍ കടന്നു. കരിം ബെൻസമായുടെ ഹാട്രിക്കും വിനീഷ്യസ് ജൂനിയർ നേടിയ ഗോളുമാണ് ജയം ഒരുക്കിയത്.
ബാഴ്സയുടെ മൈതാനത്ത് നടന്ന മത്സരത്തിൽ ഏറ്റവും ശ്രദ്ധിക്കേണ്ട കാര്യം മെസിയുടെ തിരിച്ചുവരവ് ആഗ്രഹിച്ച് അവർ നടത്തിയ ചാന്റുകളാണ്. ഈ സീസണിൽ പി.എസ്.ജിയിൽ കരാർ അവസാനിക്കുന്ന മെസി തിരികെ ബാഴ്സയിൽ എത്തുമെന്ന് വിശ്വസിക്കപ്പെടുന്നു.
ബാഴ്‌സലോണയ്‌ക്കൊപ്പം 16 സീസണുകളിൽ എൽ ക്ലാസിക്കോയിൽ മെസി തന്റെ ആധിപത്യം സ്ഥാപിച്ചു, 26 ഗോളുകളും 14 അസിസ്റ്റുകളും താരം നേടി. എന്നിരുന്നാലും, റയൽ ആരധകർ പറയുന്നത് അനുസരിച്ച് എൽ ക്ലാസിക്കോയിൽ മെസിയെ കടത്തിവെട്ടി വിനീഷ്യസ് രാജാവ് ആകുമെന്നാണ്. ഈ പ്രായത്തിൽ തന്നെ താരം മൂന്ന് ഗോളുകളും ഒരു അസിസ്റ്റും നേടി കഴിഞ്ഞു. ഒരു ആരാധകൻ പറയുന്നത് ഇങ്ങനെ
“വിനീഷ്യസ് ജൂനിയറിന് ഇതിനകം മെസ്സിയെക്കാൾ മികച്ച എൽ ക്ലാസിക്കോ ലെഗസിയുണ്ട്.”
മറ്റൊരാൾ താരം പറയുന്നത് ഇങ്ങനെ: :
“വിനീഷ്യസ് ജൂനിയർ കളിക്കുന്നത് കണ്ട് ക്യാമ്പ് നൗ മുഴുവൻ കണ്ണീരോടെ നിൽക്കുന്നു, അവൻ മഹത്വത്തിലേക്ക് പോവുകയാണ്.”