2024 ബാലൺ ഡി ഓർ നേടുന്നതിന് തന്റെ സൂപ്പർസ്റ്റാർ സഹതാരം വിനീഷ്യസ് ജൂനിയറിനെ പിന്തുണച്ച് ലിവർപൂളിന്റെയും ബ്രസീലിന്റെയും ഷോട്ട് സ്റ്റോപ്പർ ഗോൾ കീപ്പർ ആലിസൺ ബക്കർ. 2024ൽ യുണൈറ്റഡ് സ്റ്റേറ്റ്സിൽ വെച്ച് നടക്കുന്ന കോപ്പ അമേരിക്കയിൽ ദേശീയ ഡ്യൂട്ടിയിലാണ് ഇരുവരും ഇപ്പോൾ. വിനീഷ്യസ് ജൂനിയർ കഴിഞ്ഞ സീസണിൽ റയലിനൊപ്പം ഏറ്റവും മികച്ച സീസൺ പൂർത്തീകരിച്ചതിന് ശേഷമാണ് ബ്രസീലിനൊപ്പമുള്ള തന്റെ ദൗത്യത്തിന് വേണ്ടി ഇറങ്ങിയത്. റയൽ മാഡ്രിഡിന് വേണ്ടി എല്ലാ മത്സരങ്ങളിലുമായി 39 കളികളിൽ നിന്നും 24 ഗോളുകളും 11 അസിസ്റ്റുകളും വിനീഷ്യസ് നേടി. റയൽ മാഡ്രിഡിനൊപ്പം ലാലിഗ, ചാമ്പ്യസ്‌ലീഗ്, സൂപ്പർ കോപ്പ എന്നിവയും വിനീഷ്യസ് നേടിയിട്ടുണ്ട്.
കഴിഞ്ഞ കുറച്ചു സീസണുകളായി റയൽ മാഡ്രിഡിന് വേണ്ടി മികച്ച പ്രകടനം കാഴ്ച്ചവെക്കുമ്പോഴും ബ്രസീലിന് വേണ്ടിയുള്ള അദ്ദേഹത്തിന്റെ പ്രകടനത്തിൽ വിമർശന വിധേയമായി കൊണ്ടിരിക്കുന്നുണ്ട്. 2024 കോപ്പ അമേരിക്ക ടൂർണമെന്റിൽ ഇറങ്ങുന്നതിന് മുമ്പ് ബ്രസീലിന് വേണ്ടി 31 മത്സരങ്ങളിൽ നിന്ന് മൂന്ന് ഗോളുകളും അഞ്ചു അസിസ്റ്റുകളും മാത്രമാണ് നേടാനായത്. റയൽ മാഡ്രിഡിന് വേണ്ടി തന്നെ കളിക്കുന്ന വിനീഷ്യസ് റോഡ്രിഗോ കൂട്ട് തന്നെയാണ് ബ്രസീലിന് വേണ്ടിയും ഇറങ്ങുന്നത്.
സൂപ്പർ താരം നെയ്മറിന്റെ അഭാവത്തിൽ ടൂർണമെന്റിൽ ബ്രസീലിയൻ ആക്രമണത്തിൽ പരാഗ്വക്കെതിരെ വിനീഷ്യസ് രണ്ട് തവണ ഗോൾ നേടി. എന്നാൽ മറ്റ് രണ്ട് ഗ്രൂപ്പ് മത്സരങ്ങളിലും വിനിഷ്യസിന് കാര്യമായ സ്വാധീനം ചെലുത്താനായിട്ടില്ല. യൂറോ കപ്പിൽ ഇംഗ്ലണ്ടിന് വേണ്ടി കളിക്കുന്ന സഹതാരം കൂടിയായ ജൂഡ് ബെല്ലിങ്ഹാമിനൊപ്പമാണ് വിനീഷ്യസ് ജൂനിയർ ബാലൺ ഡി ഓറിന് വേണ്ടി മത്സരിക്കുന്നത്. ലോകത്തിലെ ഏറ്റവും മികച്ച ഫോർവേഡുകളിൽ ഒന്ന് എന്ന വിനിഷ്യസിന്റെ പദവിയെ ആലിസൺ സാധുകരിക്കുന്നു.
“അവൻ്റെ കഴിവും ഈ സീസണിൽ അവൻ ചെയ്തതും ഞങ്ങൾക്കറിയാം. ലോകത്തിലെ ഏറ്റവും മികച്ച താരമെന്ന ബഹുമതി ലഭിക്കാൻ അവൻ യോഗ്യനാണ്.” ആലിസൺ പറഞ്ഞു. നിലവിൽ ടൂർണമെന്റിൽ രണ്ട് മഞ്ഞ കാർഡുകൾ നേടിയ വിനീഷ്യസ് ഉറുഗ്വേക്കെതിരായ ക്വാർട്ടർ ഫൈനൽ മത്സരത്തിൽ ബെഞ്ചിൽ ഇരിക്കേണ്ടി വരും. പതിനഞ്ചു തവണ കോപ്പ അമേരിക്ക ചാമ്പ്യന്മാരായ ഉറുഗ്വേക്കെതിരായ പ്രധാനപ്പെട്ട മത്സരത്തിൽ കൂടുതൽ മഞ്ഞ കാർഡ് നേടിയാൽ വിനീഷ്യസ് ജൂനിയറിന് നഷ്ട്ടമാകും. ഞായറാഴ്ച രാവിലെ 6.30നാണ് ഉറുഗ്വേയുമായുള്ള ബ്രസീലിന്റെ മത്സരം.