ജിദ്ദയിലെ കിങ് അബ്ദുള്ള സ്പോര്ട്സ് സ്റ്റേഡിയത്തില് ഇന്നലെ നടന്ന ആവേശകരമായ മത്സരത്തിൽ റയൽ മാഡ്രിഡിനെ തകർത്ത് ബാർസിലോണ സൂപ്പർ കപ്പ് ചാമ്പ്യന്മാരായി. എൽ ക്ലാസിക്കോ പോരാട്ടത്തിൽ റയലിനെ രണ്ടിനെതിരെ അഞ്ച് ഗോളുകൾക്കാണ് ബാഴ്സിലോണ പരാജയപ്പെടുത്തിയത്.
ഇരു ടീമുകളും ഇഞ്ചോടിഞ്ച് പോരാട്ടമായിരുന്നു കാഴ്ച വെച്ചത്. 52 ശതമാനവും പൊസഷൻ ബാഴ്സയുടെ കൈകളിലായിരുന്നു. മത്സരത്തിന്റെ ആദ്യ പകുതിൽ തന്നെ ബാഴ്സിലോണ 4 ഗോളുകളും വലയിൽ കയറ്റിയിരുന്നു. ബാഴ്സയ്ക്ക് വേണ്ടി ലാമിന് യമാൽ, റോബര്ട്ട് ലെവന്ഡോവ്സ്കി, റാഫീഞ്ഞ, അലെജാന്ഡ്രോ ബാല്ഡേ എന്നിവരാണ് ഗോൾ അടിച്ചത്. റയലിന് വേണ്ടി ആദ്യം ഗോൾ നേടി ലീഡ് എടുത്തത് കിലിയന് എംബാപ്പെയാണ്. തുടർന്ന് റോഡ്രിഗോയും ഗോൾ നേടി.
മത്സര ശേഷം വളരെ നിരാശനായ റയൽ മാഡ്രിഡ് പരിശീലകൻ കാർലോ അൻസെലോട്ടി തോൽവിയുടെ പ്രധാന കാരണം എന്താണെന്ന് പറഞ്ഞ് രംഗത്ത് എത്തിയിരിക്കുകയാണ്.
കാർലോ അൻസലോട്ടി പറയുന്നത് ഇങ്ങനെ:
” ഇന്ന് നന്നായി കളിച്ചത് കിലിയൻ എംബപ്പേ മാത്രമാണ്. ബാക്കി ഉള്ളവരുടെ കാര്യം ഞാൻ പറയുന്നില്ല. നമുക്ക് അത് മറക്കാം. ഇന്ന് തൊൽകാനുള്ള പ്രധാന കാരണം ഡിഫൻസ് മോശമായിരുന്നു. അവർ വളരെ എളുപ്പമായിട്ടാണ് ഗോളുകൾ അടിച്ചത്. ഞങ്ങളെ ഇത് തീർത്തും നിരാശരാക്കി. പക്ഷെ ഇത് ഫുട്ബോൾ ആണ്. അത് കൊണ്ട് തന്നെ അടുത്ത മത്സരത്തിൽ ഞങ്ങൾ ശക്തമായി തിരിച്ച് വരും” കാർലോ അൻസലോട്ടി പറഞ്ഞു.