അരങ്ങേറ്റക്കാരായ മുഹമ്മദൻ സ്പോർട്ടിംഗ് ക്ലബ്, ഇന്ത്യൻ സൂപ്പർ ലീഗിലെ ആദ്യ ഹോം മത്സരത്തിൽ ജയം തേടി ഇറങ്ങുമ്പോൾ അവർ അഭിമുഖീകരിക്കേണ്ടത് ശക്തരായ കേരള ബ്ലാസ്റ്റേഴ്സിനെ. ഞായറാഴ്ച കൊൽക്കത്തയിലെ കിഷോർ ഭാരതി സ്റ്റഡിയത്തിൽ വെച്ചു നടക്കുന്ന മത്സരത്തിൽ കേരള ബ്ലാസ്റ്റേഴ്സ് എഫ്സിക്ക് ആതിഥേയത്വം വഹിക്കും. രണ്ട് ടീമുകളും വിജയത്തിനായി പോരാടുമ്പോൾ മുഹമ്മദനെ സംബന്ധിച്ചിടത്തോളം ഈ കളി നിർണായകമാണ്. കാരണം അവർക്ക് സീസണിലെ ആദ്യ ഹോം വിജയം അത്യന്താപേക്ഷിതമാണ്. അതുകൊണ്ട് തന്നെ സന്ദർശന ടീം ആയ കേരള ബ്ലാസ്റ്റേഴ്സിന് മത്സരം എളുപ്പമാക്കാൻ പോകുന്നില്ല.
കൊൽക്കത്ത ഡെർബിയിൽ മോഹൻ ബഗാൻ സൂപ്പർ ജയൻ്റിനോട് 0-3ന് തോറ്റതിന് ശേഷമാണ് മുഹമ്മദൻ ഈ മത്സരത്തിന് ഇറങ്ങുന്നത്. ആന്ദ്രേ ചെർണിഷോവിൻ്റെ കളിക്കാർ അവരുടെ ആദ്യ നാല് മത്സരങ്ങളിൽ നിന്ന് നാല് പോയിൻ്റുകൾ നേടി, പോയിൻ്റ് പട്ടികയിൽ പത്താം സ്ഥാനത്തെത്തി. കേരള ബ്ലാസ്റ്റേഴ്സിനെ സംബന്ധിച്ചിടത്തോളം എവേ മത്സരം പ്രതിരോധത്തിന്റെ വെല്ലുവിളി ഉയർത്തുമ്പോൾ തന്നെ വിജയം അനിവാര്യമാണ്. അവരുടെ അവസാന ഒമ്പത് യാത്രകളിൽ ഓരോ മത്സരത്തിലും കുറഞ്ഞത് ഒരു ഗോളെങ്കിലും വഴങ്ങുന്നത് കണ്ടിട്ടുണ്ട്. ഞായറാഴ്ച വിജയിക്കാൻ സാധിച്ചാൽ ആ പ്രവണതയെ തകർക്കുക മാത്രമല്ല, ഒരു സുപ്രധാന നാഴികക്കല്ലായി അടയാളപ്പെടുത്തുകയും ചെയ്യും. ഇത് അവരുടെ ചരിത്രത്തിലെ അഭൂതപൂർവമായ നേട്ടമായ കൊൽക്കത്തയിൽ തുടർച്ചയായ മൂന്നാം വിജയം കൊണ്ടുവരും.
മോഹൻ ബഗാൻ സൂപ്പർ ജയൻ്റിനെതിരായ 1-0 ൻ്റെ വിജയവും ഈസ്റ്റ് ബംഗാൾ എഫ്സിക്കെതിരായ 2-1 ൻ്റെ വിജയവും അവരുടെ അവസാന രണ്ട് കൊൽക്കത്ത സന്ദർശനങ്ങളിലെ മികവിനെ അടയാളപ്പെടുത്തുന്നു. ഞായറാഴ്ചത്തെ വിജയം ആദ്യ ആറിൽ ഇടം നേടാനുള്ള സാധ്യതയെ ശക്തിപ്പെടുത്തുകയും സീസണിൻ്റെ ശേഷിക്കുന്ന മത്സരങ്ങളിൽ ആത്മവിശ്വാസം നൽകുകയും ചെയ്യും. കേരള ബ്ലാസ്റ്റേഴ്സ് എഫ്സി സജ്ജീകരണത്തെക്കുറിച്ച് മൊഹമ്മദൻ ഹെഡ് കോച്ച് ആൻഡ്രി ചെർണിഷോവ് ആഴത്തിലുള്ള വിശകലനം നടത്തുകയും എന്നാൽ തൻ്റെ ടീം വെല്ലുവിളിക്ക് തയ്യാറാണെന്ന് ആത്മവിശ്വാസം പ്രകടിപ്പിക്കുകയും ചെയ്തിട്ടുണ്ട്.
“കേരള ബ്ലാസ്റ്റേഴ്സ് മികച്ചതും ശക്തവുമായ ടീമാണ്. അവർക്ക് ഐഎസ്എല്ലിൽ ദീർഘകാലം അനുഭവമുള്ള കളിക്കാരുണ്ട്. ഈ സീസണിൽ അവർ ഇപ്പോൾ മികച്ച പ്രകടനമാണ് നടത്തുന്നത്. അവർ ആക്രമണത്തിൽ ശരിക്കും മിടുക്കരാണ്. കാരണം അവർ എല്ലാ മത്സരങ്ങളും സ്കോർ ചെയ്യുന്നു. ഹോം മത്സരത്തിൽ ആയാലും പുറത്തായാലും സ്കോർ ചെയ്യുന്നതിൽ അവർക്ക് പ്രശ്നമല്ല. അതുകൊണ്ട് അവരെ പ്രതിരോധിക്കാൻ ഞങ്ങൾ തയ്യാറായിരിക്കണം. ഞങ്ങൾ അതിനുള്ള പരിശീലനത്തിൽ പ്രവർത്തിച്ചു. ഞങ്ങൾ അതിന് തയ്യാറാണ്. ഈ സാഹചര്യം നാളെ ഗ്രൗണ്ടിൽ ഉണ്ടാകും.”ചെർണിഷോവ് മത്സരത്തിന് മുമ്പുള്ള പത്രസമ്മേളനത്തിൽ പറഞ്ഞു.
“തന്ത്രപരമായ കാര്യങ്ങൾ തയ്യാറാക്കുകയും ഊർജവും നിർദ്ദേശങ്ങളും കളിക്കാർക്ക് കൈമാറുകയും ചെയ്യുക എന്നതാണ് എൻ്റെ ജോലി. അന്താരാഷ്ട്ര ഇടവേളയിൽ ഞങ്ങൾ നന്നായി പരിശീലിക്കുന്നുണ്ട്. കളി ജയിക്കാൻ ഞങ്ങൾ കാത്തിരിക്കുകയാണ്.” കേരള ബ്ലാസ്റ്റേഴ്സ് കോച്ച് സ്റ്റാഹ്രെ പറഞ്ഞു.