അടുത്ത ഫെബ്രുവരിയിൽ 40 വയസ് തികയുകയാണ് പോർച്ചുഗൽ ഇതിഹാസം ക്രിസ്റ്റ്യാനോ റൊണാൾഡോയ്ക്ക്. കാലം എത്ര കഴിഞ്ഞാലും അദ്ദേഹം തന്റെ ഫോമിൽ ഒരു വിട്ടു വീഴ്ചയും ചെയ്യാറില്ല. ഫുട്ബോൾ കരിയറിൽ അദ്ദേഹം തന്റെ അവസാന മത്സരങ്ങൾ ഇപ്പോൾ ആസ്വദിക്കുകയാണ്. ഈ വർഷത്തിൽ 40 ഗോളുകൾ പൂർത്തിയാക്കാൻ അദ്ദേഹത്തിന് കഴിഞ്ഞിട്ടുണ്ട്. കഴിഞ്ഞ മത്സരത്തിലും രണ്ട് മികച്ച ഗോളുകൾ അദ്ദേഹം നേടിയിരുന്നു.
30 വയസ്സ് പിന്നിട്ടതിനുശേഷം 450 ഗോളുകൾ നേടാൻ റൊണാൾഡോക്ക് കഴിഞ്ഞിട്ടുണ്ട്. അദ്ദേഹത്തിന്റെ മികവിനെ പ്രശംസിച്ചുകൊണ്ട് രംഗത്ത് വന്നിരിക്കുകയാണ് ഇംഗ്ലീഷ് ഇതിഹാസമായ മൈക്കൽ ഓവൻ.
മൈക്കൽ ഓവൻ പറയുന്നത് ഇങ്ങനെ:
” നിങ്ങൾ ക്രിസ്റ്റ്യാനോ റൊണാൾഡോയുടെയും അദ്ദേഹത്തിന്റെ ഫിനിഷിംഗിനെയും വീക്ഷിക്കുകയാണെങ്കിൽ ഒരുപാട് കാര്യങ്ങൾ കാണാൻ കഴിയും. ഏത് ആംഗിളിൽ നിന്നും ഗോളടിക്കാനുള്ള ഒരു കഴിവാണ് നിങ്ങളെ ആകർഷിക്കുക. ശരീരത്തിന്റെ ഏത് ഭാഗം കൊണ്ടും ഗോളടിക്കാൻ അദ്ദേഹത്തിന് സാധിക്കും”
മൈക്കൽ ഓവൻ തുടർന്നു:
“വലതു കാലുകൊണ്ടും ഇടതു കാലുകൊണ്ടും ഒരുപോലെ അദ്ദേഹം ഗോളുകൾ നേടുന്നു. കൂടാതെ വായുവിലും അവൻ ശക്തനാണ്. പന്ത് വായുവിലൂടെ നിങ്ങളെ കടന്നു പോകുമ്പോൾ ആ ചാൻസ് അവിടെ അവസാനിച്ചു എന്ന് നിങ്ങൾ കരുതുന്നു. പക്ഷേ റൊണാൾഡോ അപ്പോഴേക്കും ബൈസിക്കിൾ കിക്ക്മായി അവിടെ എത്തിയിട്ടുണ്ടാകും ” മൈക്കൽ ഓവൻ പറഞ്ഞു.