ഐഎസഎല്ലില് പരുക്കും പ്രശ്നങ്ങളുമായി പ്രതിസന്ധിയിലായിരുന്ന മൂംബൈ സിറ്റി എഫ്സി ചാംപ്യന്സ് ലീഗില് പൂര്ണ്ണസജ്ജമായി ഇറങ്ങുന്നു. ഒരു ഏഷ്യന് താരമടക്കം നാല് വിദേശികളെയെ ടീമിലെടുക്കാനാകൂ എന്ന നിയമം എഎഫ്സി പിന്വലിച്ചതോടെയ മുംബൈ എല്ലാ വിദേശികളെയും ടീമില് ഉള്പ്പെടുത്തിയിരിക്കുകയാണ്.
ഈ മാസം എട്ടിന് നടക്കുന്ന എഎഫ്സി ചാംപ്യന്സ് ലീഗില് ആദ്യ മത്സരത്തിനായി ഇറങ്ങുന്ന മുംബൈസിറ്റി സ്ട്രൈക്കര്മാരായ ബ്രസീലിയന് താരം ഡീഗോ മൗറീഷ്യോ, സ്പാനിഷ് താരം ഇഗോര് ആംഗുലോ, ഓസ്ട്രേലിയന് മിഡ്ഫീല്ഡര് ബ്രാഡന് ഇന്മാന്, മൊറോക്കന് മധ്യനിരതാരം അഹ്മദ് ജഹു, ബ്രസീലിയന് പ്ലേമേക്കര് കാസിയോ ഗബ്രിയേല്, സെനഗലീസ് സെന്റര് ബാക്കായ ക്യാപ്റ്റന് മോര്ത്താദ ഫാള് എന്നിവര് ഉള്പ്പെട്ട 29 അംഗ തകര്പ്പന് സ്ക്വാഡിനെയാണ് പ്രഖ്യാപിച്ചിരിക്കുന്നത്.
ബിപിന് സിങ്, ലാലിയന്സുല ചാങ്ത്, വിക്രം പര്താപ് സിങ്, റൗളിന് ബോര്ജസ്, റെയ്നിയര് ഫെര്ണാണ്ടസ്, ആപൂയ റാള്ട്ടെ, വിനീത് റായ്, മുഹമ്മദ് റാക്കിപ്, രാഹുല് ബെക്കെ, മന്ദാര് റാവു ദേശായി, അമെ റണവാദെ, മെഹ്താബ് സിങ്, മുഹമ്മദ് നവാസ് തുടങ്ങിയ ഇന്ത്യന് താരങ്ങളും ടീമിലുണ്ട്്. ഈ മാസം എട്ട് മുതല് സൗദി അറേബ്യയിലെ റിയാദിലാണ് മുംബൈയുടെ ചാമ്പ്യന്സ് ലീഗ് പോരാട്ടങ്ങള് തുടങ്ങുക. ചാംപ്യന്സ് ലീഗ് മത്സരത്തില് നാല് വിദേശികളെ പാടുള്ളൂ.