ന്യൂ ഇയർ പാർട്ടി അവസാനിക്കുമ്പോൾ, ബെംഗളൂരുവിലെ ദേശീയ ക്രിക്കറ്റ് അക്കാദമിയിൽ റിപ്പോർട്ട് ചെയ്യാൻ ബിസിസിഐ ഋഷഭ് പന്തിനോട് ആവശ്യപ്പെട്ടു. ഇന്ത്യൻ വിക്കറ്റ് കീപ്പർ ബാറ്റ്‌സ്മാൻക്കുള്ള സന്ദേശം ഉച്ചത്തിലുള്ളതും വ്യക്തവുമാണ് – ‘ഒന്നുകിൽ ഫിറ്റ്നസ് വീണ്ടെടുക്കുക -അല്ലെങ്കിൽ പുറത്തുപോവുക. ഈ വർഷം വൈറ്റ്-ബോൾ ക്രിക്കറ്റിൽ സ്ഥിരത കാണിക്കാൻ പന്ത് ബുദ്ധിമുട്ടി.
കാൽമുട്ടിനും നടുവിനും പരിക്കേറ്റതിനാൽ ഇപ്പോൾ ഫിറ്റ്നസ് വീണ്ടെടുക്കാൻ പന്ത് പാടുപെടുകയാണ്. ശ്രീലങ്ക സീരീസിലേക്ക് സെലക്ടർമാർ അദ്ദേഹത്തെ ഒഴിവാക്കുകയും പകരം NCA യിൽ കഠിനമായി പരിശീലിക്കാൻ ആവശ്യപ്പെടുകയും ചെയ്തിരിക്കുകയാണ് ഇപ്പോൾ.
“ഒരു സംശയവുമില്ലാതെ അദ്ദേഹം മികച്ച കളിക്കാരനാണ്. എന്നാൽ നിർഭാഗ്യവശാൽ ഈ വർഷത്തെ അദ്ദേഹത്തിന്റെ ഫോം ഏകദിനത്തിലും ടി20യിലും നിരാശാജനകമാണ്. അവൻ കൂടുതൽ ഫിറ്റും ചടുലനുമായിരിക്കാൻ കോച്ചിംഗ് സ്റ്റാഫ് ആഗ്രഹിക്കുന്നു. എൻസിഎയിൽ പരിശീലനം നേടാൻ അദ്ദേഹത്തോട് ആവശ്യപ്പെട്ടിട്ടുണ്ട്,” ബിസിസിഐയിലെ ഉന്നത വൃത്തങ്ങൾ സ്ഥിരീകരിച്ചു.
പന്തിന് തടി കൂടുതൽ ആണെന്നും അതിനാൽ തന്നെ വിക്കറ്റുകൾക്ക് ഇടയിൽ ഉള്ള ഓട്ടം ബുദ്ധിമുട്ട് ആണെന്നും ആരാധകർ പറയുന്ന കാര്യമാണ്.