നെയ്മര് ബാഴ്സലോണയില് തുടര്ന്നിരുന്നെങ്കില് ബാഴ്സ കൂടുതല് ചാമ്പ്യന്സ് ലീഗ് കിരീടങ്ങള് നേടിയേനെ എന്ന് മാഞ്ചസ്റ്റര് സിറ്റി പരിശീലകന് പെപ് ഗ്വാര്ഡിയോള. അന്നത്തെ ബാഴ്സലോണ അറ്റാക്കിലെ മൂന്ന് പേരും (സുവാരസ്,നെയ്മര്, മെസി) ആര്ക്കും തടയാന് പറ്റാത്ത അറ്റാക്ക് ആയിരുന്നു എന്ന് ഗ്വാര്ഡിയോള പറഞ്ഞു.
“നെയ്മര് ബാഴ്സയ്പ്പൊപ്പം തുടര്ന്നിരുന്നെങ്കില് ബാഴ്സ കൂടുതല് ചാമ്പ്യന്സ് ലീഗ് കിരീടങ്ങള് നേടിയേനെ. അങ്ങനെയെങ്കില് രണ്ടോ മൂന്നോ ചാമ്പ്യന്സ് ലീഗ് കിരീടങ്ങള് ബാഴ്സ നേടിയേനെ.”
“പക്ഷെ പാരീസിലേക്ക് പോകാന് ഉള്ള നെയ്മറിന്റെ തീരുമാനം തെറ്റാണെന്ന് പറയാന് കഴിയില്ല. പിഎസ്ജി നല്ല ക്ലബാണ്. പാരീസ് നല്ല നഗരവും.”
“നെയ്മറിന് പരിക്കില്ലാത്ത കാലഘട്ടം ഉണ്ടാകട്ടെയെന്നാണ് ഞാന് ആഗ്രഹിക്കുന്നത്. അവന്റെ വലിയ ആരാധകനാണ് ഞാന്. അവന് ഫുട്ബോളിനെ കൂടുതല് സുന്ദരമാക്കും” ഗ്വാര്ഡിയോള പറഞ്ഞു.