ഞായറാഴ്ച നടന്ന ഫിഫ ലോകകപ്പ് 2022 ഫൈനലിൽ ലയണൽ മെസിയുടെ നേതൃത്വത്തിലുള്ള അർജന്റീന ഫ്രാൻസിനെ മറികടന്നതിന് ശേഷം നർമ്മബോധത്തിന് പേരുകേട്ട ഇന്ത്യൻ ഓപ്പണർ വീരേന്ദർ സെവാഗ് പങ്കിട്ട ഒരു ട്വീറ്റ് ഒരേ സമയം ആരാധകരെ ചിരിപ്പിക്കുകയും ചിന്തിപ്പിക്കുകയും ചെയ്തു.
ഫൈനൽ മത്സരത്തിന്റെ കാര്യത്തിൽ ലോകം ഇത്രയും ആവേശത്തോടെ ഒരു മത്സരം കണ്ടിട്ടുണ്ടോ എന്ന് ചോദിച്ചാൽ ഇല്ല എന്നാണ് ഉത്തരം. ലോകഫുട്ബോളിലെ രാജാക്കന്മാർ മെസിയും എംബാപ്പയും കളം നിറഞ്ഞ രാവിൽ പെനാൽറ്റി ആവേശത്തിനൊടുവിൽ ഫ്രാൻസിനെ തകർത്തെറിഞ്ഞ് മെസിയും കൂട്ടരും ലോകകപ്പ് സ്വന്തമാക്കുമ്പോൾ.നിശ്ചിത സമയത്തും അധിക സമയത്തും 3 -3 ന് അവസാനിച്ച കളിയിൽ പെനാൽറ്റിയിൽ 4 -2 നാണ് അര്ജന്റീന ജയം സ്വന്തമാക്കിയത്.
അർജന്റീന ചരിത്രമെഴുതി ഖത്തറിൽ മൂന്നാം ലോകകപ്പ് കിരീടം നേടിയതിന് തൊട്ടുപിന്നാലെ, മുൻ ഇന്ത്യൻ ക്യാപ്റ്റൻ സെവാഗ് അർജന്റീനിയൻ താരം മെസ്സിയെക്കുറിച്ചുള്ള രസകരമായ ഒരു പോസ്റ്റ് ഇൻസ്റ്റാഗ്രാമിൽ പങ്കിട്ടു. മെസി ഇന്ത്യയിലായിരുന്നെങ്കിൽ എന്ന മീമാന്സെവാഗ് പങ്കുവെച്ചത്. പൊലീസ് വേഷത്തിലുള‌ള മെസിയുടെ എഡിറ്റ് ചെയ്‌ത ചിത്രമാണിത്. വൻ നേട്ടങ്ങളുണ്ടാക്കുന്ന താരങ്ങൾക്ക് സർക്കാർ ജോലി നൽകുന്നതിനെയാണ് പരിഹാസ രൂപേണ സേവാഗ് മീമിൽ സൂചിപ്പിച്ചിരിക്കുന്നത്. ശിഖർ ധവാൻ ഉൾപ്പടെ ഉള്ളവർ ചിത്രം ലൈക് ചെയ്തിട്ടുണ്ട്.
ഇങ്ങനെ സർക്കാർ ജോലി കൊടുത്ത് പിന്നെ പണവും പ്രശസ്തിയുടെ പിന്നാലെ പോയി കരിയർ അവസാനിപ്പിച്ചവർ നിരവധിയാണ് ഇന്ത്യയിൽ.