മാഞ്ചസ്റ്റർ യുണൈറ്റഡ് ടീമംഗങ്ങളായ ബ്രൂണോ ഫെർണാണ്ടസും ക്രിസ്റ്റ്യാനോ റൊണാൾഡോയും പോർച്ചുഗൽ ക്യാമ്പിൽ കണ്ടുമുട്ടിയതിന്റെ വീഡിയോ കണ്ട് ആരാധകർ പ്രതികരിച്ചു. അടുത്തിടെ നടന്ന റൊണാൾഡോയുടെ സ്ഫോടനാത്മക അഭിമുഖത്തിന് ശേഷം രണ്ട് കളിക്കാർക്കിടയിലുള്ള അസ്വാഭാവിക ബന്ധത്തിന്റെ സൂചനയാണ് കാണിച്ചതെന്ന് പറയാൻ സാധിക്കും.
ഞായറാഴ്ച നടന്ന ഒരു സ്ഫോടനാത്മക അഭിമുഖത്തിൽ മാനേജർ എറിക് ടെൻ ഹാഗും മറ്റ് സീനിയർ എക്സിക്യൂട്ടീവുകളും തന്നെ ക്ലബിൽ നിന്ന് പുറത്താക്കാൻ ശ്രമിക്കുന്നുണ്ടെന്ന് സൂപ്പർ താരം ക്രിസ്റ്റ്യാനോ റൊണാൾഡോ അവകാശപ്പെട്ടു. തന്നെ ക്ലബ്ബിൽ ഉള്ളവർ വഞ്ചിക്കുക ആണെന്നും റൊണാൾഡോ വെളിപ്പെടുത്തി. എന്തായലും അഭിമുഖം വലിയ വിവാദമാണ് ഉണ്ടാക്കിയിരിക്കുന്നത്.
ക്ലബ്ബിലുള്ള സ്റ്റാഫ് അംഗങ്ങളിൽ ചിലരും ചില താരങ്ങളും തനിക്ക് എതിരാണെന്ന് റൊണാൾഡോ പറയുമ്പോൾ ബ്രൂണോയും താരവും തമ്മിലുള്ള ബന്ധം അത്ര നല്ല രീതിയിൽ അല്ല എന്നുള്ള സൂചനയാണ് നമുക്ക് കാണാൻ സാധിക്കുന്നത്.
എന്നിരുന്നാലും, തന്റെ ദേശീയ ടീമിന്റെ ക്യാപ്റ്റനോട് ഫെർണാണ്ടസിന്റെ തണുത്ത പ്രതികരണത്തിന്റെ സമീപകാല വീഡിയോ പുറത്തുവന്നു. റൊണാൾഡോ കൈ കൊടുത്തപ്പോൾ ഒരു താത്പര്യവും ഇല്ലാതെ കൈനീട്ടുന്ന താരത്തെ നമുക്ക് കാണാൻ സാധിച്ചു.