ഖത്തര് ലോകകപ്പിലെ ആദ്യ സെമിയില് അര്ജന്റീനയ്ക്ക് അനുകൂലമായി പെനാല്റ്റി അനുവദിച്ചതിനെ രൂക്ഷമായി വിമര്ശിച്ച് ക്രൊയേഷ്യന് പരിശീലകന് സ്ലാറ്റ്കോ ഡാലിക്. തുടക്കത്തില് എല്ലാം തങ്ങളുടെ വരുതിയിലായിരുന്നെന്നും എന്നാല് പെനാല്റ്റി അനുവദിച്ചത് മത്സരത്തെ മാറ്റിമറിച്ചെന്നും അത് വളരെ മോശമായ തീരുമാനമായിരുന്നെന്നും അദ്ദേഹം പറഞ്ഞു.
എല്ലാം ഞങ്ങളുടെ കൈകളിലായിരുന്നു. ഞങ്ങള് അര മണിക്കൂറോളം നന്നായി കളിച്ചു. പന്തടക്കവും ഉണ്ടായിരുന്നു. ഞങ്ങള് അവര്ക്ക് ഭീഷണിയൊന്നും ഉയര്ത്തിയില്ലെങ്കിലും നിയന്ത്രണം ഉണ്ടായിരുന്നു. ഞങ്ങളൊരു ഗോള് വഴങ്ങി, അത് സംശയം ഉണ്ടാക്കുന്നതായിരുന്നു.
പെനാല്റ്റിയിലേക്ക് നയിച്ച സാഹചര്യം. അത് വളരെ മോശമായ തീരുമാനമായിരുന്നു. ഗോള്കീപ്പര് എന്താണോ ചെയ്യേണ്ടത് അതു തന്നെയാണ് ചെയ്തത്. ഇതെല്ലാം പുതിയ നിയമങ്ങളാണോ. ആ ഗോള് മത്സരത്തെ മറ്റൊരു ദിശയിലേക്ക് കൊണ്ടു പോയി- തോല്വിയ്ക്ക് പിന്നാലെ ഡാലിക് പറഞ്ഞു.
സെമിഫൈനലില് ക്രൊയേഷ്യയെ 3-0 ന് തകര്ത്താണ് അര്ജന്റീന ഫൈനലില് പ്രവേശിച്ചത്. അര്ജന്റീനയ്ക്കായി യുവതാരം ജൂലിയന് അല്വാരസ് ഇരട്ടഗോള് (39ാം മിനിറ്റ്, 69ാം മിനിറ്റ്) നേടിയ മത്സരത്തില്, ആദ്യ ഗോള് 34ാം മിനിറ്റില് പെനല്റ്റിയില്നിന്ന് മെസി വകയായിരുന്നു.
പന്തുമായി മുന്നേറിയ ജൂലിയന് അല്വാരസിനെ ഗോള്കീപ്പര് ലിവാകോവിച്ച് ഫൗള് ചെയ്തന്നെ് കണ്ടായിരുന്നു റഫറിയുടെ ‘വിവാദ’ തീരുമാനം ഉണ്ടായത്. പിന്നാലെ ലിവാകോവിച്ചിന് റഫറി മഞ്ഞക്കാര്ഡ് നല്കുകയും അര്ജന്റീനയ്ക്ക് അനുകൂലമായി റഫറി പെനാല്റ്റി വിധിക്കുകയും ചെയ്യുകയായിരുന്നു.