ഇന്ത്യൻ സൂപ്പർ ലീഗ് സെമി ഫൈനൽ മത്സരത്തിനിടെ ബെംഗളൂരു എഫ്‌സി താരം സുനിൽ ഛേത്രിക്കെതിരെ മുദ്രാവാക്യം വിളിച്ചതിന് മുംബൈ സിറ്റി ആരാധകർക്ക് ശക്തമായ മറുപടിയുമായി ബംഗളൂരു എഫ്‌സി ടീം ഉടമ പാർത്ഥ് ജിൻഡാൽ. ആർക്കെതിരെയാണ് തങ്ങൾ മുറവിളി കൂട്ടുന്നതെന്ന് അറിയാമോയെന്ന് ബെംഗളൂരു എഫ്‌സി ഉടമ മുംബൈ ആരാധകരോട് ചോദിച്ചു. “നിങ്ങളുടെ ക്ലബിനേക്കാളും രാജ്യത്തെ മറ്റേതൊരു ക്ലബിനേക്കാളും ഇന്ത്യൻ ഫുട്‌ബോളിനായി സംഭാവന ചെയ്ത ആളാണ് അദ്ദേഹം,” ജിൻഡാൽ ട്വീറ്റ് ചെയ്തു.
“അദ്ദേഹം ഒരു ഇതിഹാസമാണ്, എല്ലാ ഫുട്ബോൾ ആരാധകരുടെയും ബഹുമാനം അർഹിക്കുന്നു,” ജിൻഡാൽ പ്രതികരിച്ചു. സെമി ഫൈനൽ മത്സരത്തിനായി സുനിൽ ഛേത്രി മുംബൈയിലെത്തിയപ്പോൾ ഛേത്രിക്കെതിരെ മുംബൈ ആരാധകർ കൂവി വിളിച്ചിരുന്നു. എന്നാൽ, ആദ്യ പാദ സെമിയിൽ ബെംഗളൂരു എഫ്‌സി ജയിച്ചു.
മുംബൈ സിറ്റി എഫ്‌സിക്കെതിരെ 78-ാം മിനിറ്റിൽ സുനിൽ ഛേത്രി നേടിയ ഗോളിന് പിന്നാലെ ബെംഗളൂരു എഫ്‌സി ആരാധകർ ‘ദയവായി കളി നിർത്തി പോകരുത്’ എന്ന് ആക്രോശിക്കുന്നതും കാണാമായിരുന്നു. സുനിൽ ഛേത്രിയുടെ ഗോളിന് പിന്നാലെ ഇറങ്ങിപ്പോയ കേരള ബ്ലാസ്റ്റേഴ്സിനും പരിശീലകൻ ഇവാൻ വുകൊമാനോവിച്ചിനും എതിരെയുള്ള വിമർശനമായിരുന്നു ഈ ചാന്റ്.
ഐ എസ് എല്‍ ഒന്നാം സെമിയിലെ ആദ്യ പാദത്തില്‍ മുംബൈ സിറ്റി എഫ് സിക്കെതിരെ ബെംഗളൂരു എഫ് സി ജയം സ്വന്തമാക്കിയിരുന്നു. എതിരില്ലാത്ത ഒരു ഗോളിനാണ് ബെംഗളൂരു മത്സരം സ്വന്തമാക്കിയത്. 78-ാം മിനുട്ടില്‍ സുനില്‍ ഛേത്രിയാണ് ബെംഗളൂരുവിനായി സ്‌കോര്‍ ചെയ്തത്.
